کولو۔ ^([1])

حضرت محمد بن کعب رَحْمَةُ اللهِ عَلَيْه فرمائي: حضرت نُوح عَلَیْهِ السَّلَام به چې کله خوراک کولو نو اَلْحَمْدُ لِلّٰہ به يـې وئيل۔ کله چې به يـې څه څښل نو اَلْحَمْدُ لِلّٰہ به يـې وئيل، کله چې به يـې جامې اغوستلې نو اَلْحَمْدُ لِلّٰہ به يـې وئيل۔ کله چې به پۀ سورلۍ کيناستو نو اَلْحَمْدُ لِلّٰہ به يـې وئيل۔ ځکه الله پاک د هغوئي نوم شُکر ګزار بنده کيښودو۔ ^([2])

سُبْحٰنَ اللہ! څومره ځانګړے شان دے، پۀ هره خبره باندې اَلْحَمْدُ لِلّٰہ! اَلْحَمْدُ لِلّٰہ! اَلْحَمْدُ لِلّٰہ! وئيل، الله پاک مونږ ته څنګه نعمتونه راعطا کړي دي، دومره نعمتونه دي، دومره نعمتونه دي، شميرل خو يـې لويه خبره ده، پۀ مونږ باندې چې هر ساعت کوم نعمتونه راوريږي، مونږ هغه پيژنو هم نۀ، لږ غور اوکړئ چې زمونږ پۀ وجود کښې څومره اندامونه دي، آيا مونږ ته د دې ټولو نومونه ياد دي؟ زمونږ پۀ وجود کښې دننه کوم کوم اندامونه دي، خوراک دننه څنګه ځي، څنګه هضميږي، د کوم کوم ځائے نه تيريږي، يوه غټه مشينري پۀ مونږ کښې دننه چليږي، که لوئي لوئي ډاکټرانو ته د دې اندامونو نومونه معلوم وي نو معلوم به وي ګنې مونږ له خو د دې نومونه هم نۀ راځي، بيا مونږ د دې نعمتونو شُکر ولې ادا نۀ کړو۔۔۔؟