پوءِ ان جي حڪمت بيان ڪندي علامه حرَّالي رَحمۃُ اللہِ عَلَیْہ فرمائن ٿا: رمضان ڪريم کان فوراً بعد عيد ايندي آهي ۽ عيد جا ڏينهن خوشي جا ڏينهن هوندا آهن، عام طور تي انساني طبيعت اهڙي آهي جو خوشي جي وقت غفلت ڇانئجي ويندي آهي، ٻانهو الله پاڪ جي حدن کي اورانگهڻ لڳندو آهي، ڪڏهن ڪڏهن ته خوشي جو اظهار سرڪشي جي انداز ۾ (مثلاً شراب پي، دهل وڄائي، گوڙ شور ڪري) ٿيندو آهي. جيئن ته اهي خوشي جا ڏينهن ان طرح غفلت طرف وٺي وڃڻ وارا آهن، ان ڪري الله پاڪ هن موقعي جي لاءِ خصوصي تعليم ڏني ته اي ايمان وارؤ! ماهِ رمضان ختم ٿيو، هاڻي هن موقعي تي الله اڪبر چئو! الله پاڪ جي تڪبير، ان جي وڏائي بيان ڪريو! ۽ گناهن کان بچي، نيڪين ۾ دل لڳائي، ان جي ڏنل نعمتن جو شڪر ادا ڪندا رهو!^[1]

آيت مان ملڻ وارا ٻه اهم سبق

    پيارا اسلامي ڀائرو! اڃا جيڪي ڏينهن اسان گذاري رهيا آهيون، يعني يعني ماهِ رمضان المبارڪ جي بلڪل پوءِ وارا ڏينهن ...!! انهن ڏينهن ۾ هي 2 ڪم اسان کي لازمي ڪرڻا آهن:

(1): الله پاڪ جي وڏائي بيان ڪرڻي آهي

   پهريون ڪم: الله پاڪ جي وڏائي بيان ڪرڻي آهي. الله اڪبر! الله اڪبر! ڪثرت سان پڙهڻو آهي. پياري آقا، مڪي مدني مصطفيٰ صَلَّی اللہُ عَلَیْہِ وَ آلِہٖ وَ سَلَّم