کي روزن جي توفيق عطا فرمائي ۽ ماھِ رمضان جي عبادتن تي فخر نه ڪريو! ڇوته اهو توهان جو ڪمال ناهي بلڪه ان تي خدا جو شڪر ڪريو جنهن توهان کي انهن عبادتن جي توفيق عطا فرمائي، هي هن جي مهرباني آهي.^[1]

​شکر خالِق کس طرح سے ہو اَدا​                اک زباں اور نعمتیں بے اِنتہا​

پھر زباں بھی کس کی مجھ ناچیز کی​              وہ بھی کیسی جس کو عصیاں کا مزا​

گننے والے گنتیاں محدود ہیں ​                 تیرے  اَلطاف  و  کرم  بے  انتہا^([2])​

آيت ڪريمه جو ماھِ رمضان سان تعلق

    علامه حرّالي رَحۡمَةُ اللهِ عَلَيۡه تمام وڏا عالمِ دين ٿي گذريا آهن، پاڻ آيت ڪريمه جي هن حصي جي تمام خوبصورت وضاحت فرمائي آهي، سندن فرمانن جو خلاصو ڪجهه هيئن آهي ته رمضان ڪريم ۾ ٻانهن کي هڪ خاص قسم جي هدايت ملندي آهي (دليون نرم ٿينديون آهن، نيڪي جي رغبت وڌندي آهي، پوءِ) روزي دار کي تمام گهڻيون برڪتون نصيب ٿينديون آهن، ماھِ رمضان ۾ مغفرت جا سبب وڌي ويندا آهن، شبِ قدر جهڙي نعمت نصيب ٿيندي آهي، اها جيڪا خاص قسم جي هدايت دلين ۾ صرف ماھِ رمضان ۾ رکي ويندي آهي،^[3] الله پاڪ اسان کي ان هدايت تي شڪر ڪرڻ جو حڪم ڏنو ۽ ان جا 2 طريقا ٻڌايا آهن: (1): الله پاڪ جي تڪبير چئو! يعني الله اڪبر پڙهو! (2): الله پاڪ جو شڪر ادا ڪريو!