ان تي الله پاڪ جو شڪر ادا ڪندا رهون، ان سان اِنْ شَآءَ اللہُ الْکَرِیْم! خود پسندي جي آفت کان بچي وينداسين.

   هتي هڪ ڳالهه تمام اهم آهي، هميشه ياد رکڻ جي آهي، الله پاڪ قرآنِ ڪريم ۾ فرمايو آهي:

مَنْ جَآءَ بِالْحَسَنَةِ فَلَهٗ عَشْرُ اَمْثَالِهَاۚ-

ترجمو ڪنزُ العرفان: جيڪو هڪ نيڪي آڻي ته ان جي لاءِ ان جهڙيون ڏھ نيڪيون آهن. (سيپارو: 8، الانعام: 160)

  علماءِ ڪرام فرمائن ٿا: هتي الله پاڪ اهو نه فرمايو ته جيڪو نيڪي ڪري ان کي قيامت جي ڏينهن 10 ڀيرا اجر ملندو بلڪه فرمايو: جيڪو نيڪي کڻي قيامت جي ڏينهن ربّ جي بارگاهه ۾ پهچي، ان کي 10 ڀيرا اجر ملندو.^[1]

  يعني نيڪي ڪرڻ ته هڪ عمل آهي، پر ان نيڪيءَ کي حفاظت سان گڏ کڻي قبر ۾ لهڻ، اهو به نهايت ضروري آهي ، تمام گهڻيون برائيون آهن جن جي ڪري نيڪي برباد ٿي ويندي آهي، مثلاً*رياڪاري جي سبب نيڪي برباد ٿيندي آهي*خود پسندي جي سبب نيڪي برباد ٿي ويندي آهي*غيبت، حسد وغيره باطني بيماريون نيڪي کي کائي وينديون آهن*ظلم ڪرڻ، مسلمان ڀائرن کي ناحق تڪليف پهچائڻ نيڪين جي بربادي جو سبب بڻجندو آهي، اهڙي طرح تمام گهڻيون برائيون آهن، جن جي سبب نيڪي برباد ٿي ويندي آهي، هاڻي اسان نيڪي ته ڪري ورتي، الله پاڪ توفيق بخشي ته اسان روزا رکيا، توفيق ملي ته تراويح پڙهي،