ترجمو ڪنزُ العرفان: ته جيئن توهان هن ڳالھ تي الله جي وڏائي بيان ڪريو جو ان توهان کي هدايت ڏني ۽ ته جيئن توهان شڪر گذار بڻجي وڃو.

(سيپارو: 2، البقرة: 185)

    معلوم ٿيو: نيڪي جو آغاز تقويٰ سان ۽ اختتام شڪر تي ٿيندو آهي.

عبادت کان بعد شڪر جون حڪمتون

   امام محمد بن محمد غزالي رَحمۃُ اللہِ عَلَیْہ فرمائن ٿا: جڏهن ٻانهي کي عبادت جي توفيق نصيب ٿئي، ته ان عظيم الشان نعمت تي ٻن سببن جي ڪري شڪر لازمي ڪرڻ گهرجي: (1): پهريون ان ڪري ته شڪر ڪرڻ سان نعمت کي دوام ملندو آهي يعني نعمت باقي رهندي آهي. کسجندي ناهي (2): ٻيو ان ڪري ته شڪر جي برڪت سان نعمتن ۾ اضافو ٿيندو آهي، تنهنڪري جيڪڏهن اسان عبادت جي توفيق ملڻ تي شڪر ادا ڪنداسين ته ان جي برڪت سان وڌيڪ عبادت جي توفيق نصيب ٿيندي رهندي.^[1]

نيڪي جي حفاظت ضروري آهي

  سُبْحٰنَ اللہ! پيارا اسلامي ڀائرو! اسان کي ماھِ رمضان نصيب ٿيو، مغفرت واريون گهڙيون نصيب ٿيون، رحمتن وارا ڏينهن مليا، الحمد لله! خوش نصيبن روزا رکيا، تراويح پڙهي، تلاوت ڪندا رهيا، نيڪ ڪم ڪندا رهيا، سحر ۽ افطار جون برڪتون ماڻيندا رهيا، اهي الله پاڪ جون عظيم نعمتون آهن، الله پاڪ اسان کي ان جي توفيق بخشي، هاڻي اسان تي لازم آهي ته