Share this link via
رمضان کے بعد کی زندگی
اِذَا مَسَّهُمْ طٰٓىٕفٌ مِّنَ الشَّیْطٰنِ
یعنی اَہْلِ تقویٰ کا یہ پاکیزہ وَصْف ہے، شیطان جب جب انہیں وَسْوَسَہ دِلاتا ہے، ان پر ایک کے بعد ایک وار کرتا رہتا ہے، وَسْوَسوں پر وَسْوَسے ڈالتا رہتا ہے مگر یہ اَہْلِ تَقویٰ بڑے باکمال ہوتے ہیں، کیا کرتے ہیں؟ فرمایا:
تَذَكَّرُوْا فَاِذَاهُمْ مُّبْصِرُوْنَۚ(۲۰۱) (پارہ:9، سورۂ اعراف:201)
تَرْجمۂ کَنْزُالعِرْفان:تو وہ (حکمِ خدا) یاد کرتے ہیں پھر اسی وقت ان کی آنکھیں کھل جاتی ہیں۔
تَذَکُّروْا: ذِکْر سے بنا ہے۔ اس کا معنیٰ ہوتا ہے: یاد کرنا۔ یعنی جب شیطان وَسْوَسے ڈالتا ہے تو اَہْلِ تقویٰ یاد کرتے ہیں: * اللہ پاک کے اِنْعامات یاد کرتے ہیں، وہ مالِکِ کریم ہے، اُس نے مجھے آنکھیں دیں، کیا اُس کی عبادت نہ کروں؟ * اُس نے مجھے کان عطا کئے، کیا اُس کی نافرمانی کروں؟ * اُس نے مجھے جسم دیا، کیا اُس کی نافرمانی کروں؟ * اُس نے مجھے جان عطا کی، سانسیں اُس نے دِیں، میرے رہنے کو زمین اُس نے دِی، آسمان کی چھت اُس نے عطا فرمائی * رِزْق کا ایک ایک ذَرَّہ اُس کی نعمت ہے، کیا اُس رحمٰن و رحیم کی نافرمانی کروں؟ نا، نا...!! میں ہر گز اس کی نافرمانی نہ کروں گا۔
* پِھر وہ آخرت کے عذابات کو یاد کرتے ہیں، آہ! میں نے مرنا ہے، قبر میں اُترنا ہے، اگر نافرمانی کر کے قبر میں پھنس گیا تو میرا کیا بنے گا؟ * آج گُنَاہ کیے، کل قبر میں سانپ بچھو آ گئے تو کیا کروں گا؟ * قیامت کے دِن جب اللہ پاک کے حُضُور حاضِری ہو گی، آج گُنَاہ کیے تو کل کس مُنہ سے اپنے مالِک کے حُضُور حاضِری دُوں گا؟ * آہ! اعمال نامہ الٹے ہاتھ میں دے دیا گیا تو کیا کروں گا؟ * پُل صراط پر روک لیا گیا تو کیا کروں گا؟
BOOK TOPIC
- درودِ پاک کی فضیلت
- آہ...!رَمضَان رُخصت ہو گیا...!!
- نیک لوگوں کا ایک عمل
- ذَوقِ رمضان برقرار رکھئے!
- اَہْلِ تقویٰ کا ایک وَصْف
- شیطان کا طریقۂ واردات
- شیطان کی مٹی پلید ہو گئی
- شیطان ہر طرف سے وار کرتا ہے
- شیطانی وَسْوَسَوں کی ترتِیب
- وَسْوَسوں کی کاٹ کا طریقہ
- 2جنتیں مِل گئیں
- اللہ پاک کے حُضُور حاضِری کا تَصَوُّر
- جنّت چاہیے یا دوزخ؟
- گناہوں کے 6علاج
- شیطان دل کو کب لقمہ بناتا ہے
- شیطان مینڈک کی شکل میں
- شیطان پیچھے ہٹ جاتا ہے
- وَسْوَسوں سے بچنے کے چند رُوحانی عِلاج
- حج وعمرہ موبائل ایپلی کیشن
- درست کیا ہے؟
- اَسْمَاءُ الحسنیٰ کی برکات (وظیفہ)
