قرآن کا ذوق بنا تھا، اب سارا سال ہی روزانہ کچھ نہ کچھ، پارہ، آدھا پارہ، پاؤ بھر یا کم از کم ایک رکوع ہی روزانہ تلاوت کی عادَت ہو جائے *ماہِ رمضان میں ہم روزے کی خاطر حلال کھانے پینے سے بھی رُکے رہتےتھے، اب ہم حرام لقمے سے بچتے رہیں اور حلال رِزْق بھی بقدرِ ضرورت ہی کھائیں، زیادہ کھانے سے بچتے رہیں *ماہِ رمضان میں تَراوِیح کی عادَت ہو گئی تھی، اب روزانہ زیادہ نہیں تو کم از کم 20 نفل ہی پڑھتے رہیں۔ یُوں ماہِ رمضان کا ذوق اب بھی ہم باقی اور جارِی رکھ سکتے ہیں۔ اللہ پاک ہمیں توفیق نصیب فرمائے۔ اٰمِیْن بِجَاہِ خَاتَمِ النَّبِیّٖن صَلَّی اللہ عَلَیْہِ وَ آلِہٖ وَ سَلَّم   

میں ہائے! جی چراتا ہی رہا ربّ کی عبادت سے         گزارا غفلتوں میں سارا رمضاں یارسول اللہ!

میں سوتا رہ گیا غفلت کی چادر تان کر افسوس! خدارا! میری بخشش کا ہو ساماں یا رسول اللہ !

حضرت سعد بن عُبَادہ   رَضِیَ اللہ عنہ  کا تعارُف

حضرت سَعْد بن عُبَادہ  رَضِیَ اللہ عنہ   عظیم صحابئ رسول ہیں، اَنْصار کے بڑے سرداران میں سے ایک ہیں، حضرت عبد اللہ بن عبّاس  رَضِیَ اللہ عنہ  فرماتے ہیں: جب پیارے آقا، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم  لشکر لے کر روانہ ہوتے تو اَنْصار کا جھنڈا حضرت سعد بن عُبَادہ  رَضِیَ اللہ عنہ  اُٹھایا کرتے تھے۔^([1]) پیارے آقا، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم  نے ان کی دِینی خِدْمات کو سراہتے ہوئے ایک مرتبہ دُعا کی: اللہ پاک  ہماری جانِب سے سارے ہی انصار بالخصوص سعد بن عُبَادہ کو جزائے خیر عطا فرمائے۔ ^([2]) ایک موقع پر آپ صَلَّی اللہ