گا اور ساتھ ہی ساتھ جب یہ بندہ خُود اپنی قبر میں اُترے گا، اللہ پاک کے فرشتے اس کی قبر کی زیارت کو آیا کریں گے۔

گُنَاہوں سے بچیے...!!

پیارے اسلامی بھائیو!  مرحُوم والدین کے اور بھی بہت سارے حقوق ہیں، آخر میں ایک سبق آموز حدیثِ پاک سنیے! رسولِ ذیشان، مکی مدنی سلطان صَلَّی اللہ عَلَیْہِ وَ آلِہٖ وَ سَلَّم  نے فرمایا:  ہر پیر اور جمعرات کو اللہ پاک کے حُضُور بندوں کے اعمال پیش ہوتے ہیں اور انبیائے کرام  علیہم السَّلام    اور مرحُوم ماں باپ کے سامنے ہر جمعے کو بندے کے اَعْمال پیش ہوتے ہیں۔  نبی جب اپنے اُمّتی کی، ماں باپ جب اپنی اولاد کی نیکیاں دیکھتے ہیں تو ان کے چہرے خُوشی سے چمک اُٹھتے ہیں، اے اللہ کے بندو! اللہ پاک سے ڈرو! اپنے مرحوم والدين کو اپنے گُنَاہوں سے تکلیف مت پہنچاؤ!  ^([1])

اللہ! اللہ! پیارے اسلامی بھائیو!  اس حدیث شریف پر بار بار غور فرمائیے! وہ بیٹے جو * نمازیں نہیں پڑھتے* جو روزے نہیں رکھتے* نیک کام نہیں کرتے* فلمیں ڈرامے دیکھتے ہیں* بدنگاہی کے گُنَاہ میں مُبتَلا  رہتے ہیں* سُودِی لین دین میں مصروف رہتے ہیں* غیبتیں* چغلیاں* حسد* جھوٹ وغیرہ گُنَاہوں میں پڑے رہتے ہیں۔ یاد رکھیے! ہمارے یہ اعمال ہمارے ماں باپ کے سامنے پیش ہوتے ہیں، ماں باپ کو ہمارے گُنَاہ دیکھ کر دُکھ ہوتا ہے۔ خُدارا...!! خیال فرمائیے! اے وہ بیٹو...!! جو ماں باپ کی وفات پر خُوب آنسو بہاتے ہیں، ماں باپ کی جُدائی برداشت نہیں کر پاتے، ماں باپ کی یاد میں