Marhoom Walidain Ke Huqooq

قبر کی زیارت کرنے میں چونکہ یہ دُکھ بھی شامِل ہے، چنانچہ پیارے آقا صَلَّی اللہ عَلَیْہِ وَ آلِہٖ وَ سَلَّم نے رحمتوں کا اِظْہار کیا، فرمایا: جو کثرت سے اپنے ماں باپ کی قبر کی زیارت کرے (اسے مقبول حج کا ثواب تو ملے گا ہی ملے گا، ساتھ ہی ساتھ ایک اور انعام بھی نصیب ہو گا کہ) جب یہ نیک بیٹا خُود اپنی قبر میں اُترے گا، فرشتے اس کی قبر کی زیارت کو آیا کریں گے۔^{(^[1])}

سُبْحٰنَ اللہ!پیارے اسلامی بھائیو! دیکھیے! کتنی پیاری پیاری فضیلتیں ہیں مگر افسوس! اَوْلاد ان فضیلتوں سے ناواقف ہوتی ہے، آج ماں باپ کو دفن کرنے کے بعد چند دِن تک تو غم تازہ ہوتا ہے، روزانہ ہی ماں باپ کی قبر پر حاضِری ہو رہی ہوتی ہے مگر جلد ہی لوگ دُنیا کے جھمیلوں میں پھنس جاتے ہیں، پِھر پہلے پہلے مہینوں، پِھر رفتہ رفتہ سالوں گزرنے لگتے ہیں، ماں باپ کی یاد تک نہیں آتی ہے۔

افسوس! پیارے اسلامی بھائیو! غور تو فرمائیے! ہمارے وہ ماں باپ...!! ہم اگر رات کو 10 منٹ لیٹ ہو جاتے تو ماں باپ پریشان ہو جاتے تھے، فون پر فون آنا شروع ہو جاتے تھے، ماں تڑپ کر رہ جاتی تھی کہ آہ! میرا لعل ابھی تک گھر واپس نہیں لوٹا، ہزار طرح کے وسوسے ایک منٹ میں اس کے دِل سے گزر جایا کرتے تھے۔ پِھر جب ہم گھر پہنچتے تھے، ماں سینے سے لگا کر خُوب ماتھا چومتی تھی۔ آہ! آج وہ ماں باپ جب قبر میں ہیں، اب اَوْلاد کو ہفتہ ہفتہ، مہینہ مہینہ بلکہ سالہا سال ان کی یاد تک نہیں آتی، اُن کی قبر پر جانا نصیب نہیں ہوتا۔ کاش! ہم ہوش کریں، کاش! ہم ماں باپ کی قدر پہنچانیں۔ آپ دیکھیے! کتنی پیاری فضیلت بیان ہوئی: جو ماں باپ کی قبر پر جائے، اللہ پاک اسے مقبول حج کا ثواب عطا فرمائے

[1]... نوادر الا صول، الاصل الخامس عشر...الخ، جلد:1، صفحہ:72۔

Important

Mobile Apps

Contact Us