د اِمامِ بُخاري رَحْمَةُ اللهِ عَلَيْه د نـمونځ شوق

پڑھتے رہو نماز تو جنّت میں جاؤ گے چھوڑو گے گر نماز جہنّم میں جاؤ گے

هسې مونږ هم ډير عجيبه خلق يو * چې اختر راشي نو مونږ پۀ نـمونځونو کښې ناراستي کوو * پۀ کور کښې چې وړوکي شان دستوره وي نو نـمونځونه رانه قضا کيږي * اوس خو مَعَاذَ الله! حالت داسې دے چې پۀ کور کښې مړے وشي نو خلق نـمونځونه قضا کوي * د مړي پۀ لـمبولو کښې مصروف ووم * پۀ کفن راوړو، جوړولو کښې مصروف ووم * قبر مې کنستو * د جنازې د پاره راباندې ناوخته کيدو، ځکه مې نـمونځ اونکړو، جَمعه قضا شوه بلکې د لرې او نزدې نه چې کوم ميلمانه راغلي وي، هغوئي پۀ دَرو، چټايانو باندې وزګار ناست وي او بيا هم نـمونځ نۀ کوي۔ حالانکي مړي له راغلي دي، جنازه يـې کړې ده، اوس اوس يـې پۀ خپلو لاسونو باندې مړے قبر ته کوز کړے دے، د دې باوجود يـې د زړۀ نه پردې نۀ دي لرې شوې۔ يقين اوکړئ چې څومره د بے حِسۍ خبره ده۔

پۀ پينځمه سيپاره، د سُورۀ نِسَآء پۀ آيت: 102 کښې د ويرې د نـمونځ طريقه بيان شوې ده، يو ځل خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم پۀ غزا [يعنې غزوه] کښې وو، کله چې يـې د کافرانو سره جنګ وو، هٰغه وخت د مازيګر د نـمونځ وخت راغلو، اوس نـمونځ څنګه کول دي؟ يعنې عين د جنګ پۀ حالت کښې د غير مسلمو لښکر مخې ته موجود دے، پۀ جنګ کښې به نـمونځ څنګه کوې؟ د دې طريقه د سُورۀ نِسَآء، پۀ آيت: 102 کښې اِرشاد شوه۔ د دې نه پس الله پاک وفرمائيل:

اِنَّ الصَّلٰوةَ كَانَتْ عَلَى الْمُؤْمِنِیْنَ كِتٰبًا مَّوْقُوْتًا(۱۰۳) (پارہ:15، سورۀ نِسَآء: 103)

[مفهوم] ترجمهٴ کنزُ العِرفان: بے شکه نـمونځ پۀ مسلمانانو باندې پۀ مقرر شوي وخت کښې فرض دے۔

Important

Mobile Apps

Contact Us