صحابيې رَضِىَ اللهُ عَـنْها د کور پۀ خوا تيريدلو، دا صحابيه رَضِىَ اللهُ عَـنْها ډيره مالداره نۀ وه، د هغې سره يو څو وړې وړې چيلۍ وې، هغې چې کله رسولِ خُدا، احمدِ مجتبیٰ صَلَّى اللهُ عَلَيْهِ وَاٰلِهٖ وَسَلَّم وليدلو (نو خوشحاله شوه، پۀ خپل قِسمت باندې يـې ناز شروع کړو چې واه! څومره ښکلے شان دے رسول الله صَلَّى اللهُ عَلَيْهِ وَاٰلِهٖ وَسَلَّم د هغې د غريبۍ کور ته تشريف راوړي)۔

خوش آمدید وہ آئے ہماری چوکھٹ پر   بہار جن کے قدم کا طواف کرتی ہے

نو هٰغې صحابيه رَضِىَ اللهُ عَـنْها زر يوه چيلۍ ذبح کړه او د زړۀ پۀ خوشحالۍ يـې د نبي کريم    صَلَّى اللهُ عَلَيْهِ وَاٰلِهٖ وَسَلَّم د ميلمستيا سعادت حاصل کړو۔ کله چې دا معامله وشوه نو رسول الله     صَلَّى اللهُ عَلَيْهِ وَاٰلِهٖ وَسَلَّم وفرمائيل: وګوره۔۔۔!! يو طرف ته هٰغه کَس دے، د هغۀ سره د اوښانو او د چيلو رَمې دي خو هغه زمونږ ميلمستيا اونکړه۔ بل خوا دا زنانه ده، د دې سره صرف يو څو وړې وړې چيلۍ دي (خو د دې زړۀ غټ دے) دې زمونږه ښه ميلمستيا کړې ده۔ بيا نبي کريم صَلَّى اللهُ عَلَيْهِ وَاٰلِهٖ وَسَلَّم وفرمائيل: اِنَّما ہٰذِہِ الْاَخْلَاق ُ بِیَدِ اللہ دا ښه اخلاق دي، کوم چې د الله پاک پۀ قبضه کښې دي، د الله پاک چې چا ته وغواړې  ښه اخلاق ورکوي۔ ^([1])

خوږو او محترمو اِسلامي وروڼو! پۀ دې واقعه باندې لږ غور اوکړئ چې پۀ دې يوه واقعه کښې د ډيرو خلقو عکاسي شوې ده * څومره داسې خلق دي چې الله پاک هغوئي ته ډيره عطا کړې ده، ډير مال يـې ورکړے دے خو د هغوئي زړونه ډير واړۀ دي * ميلمه چې راشي نو د هغوئي زړونه مړاوي شي * ساګ ترې سيلۍ يوسي * پۀ نورو پۀ خوړلو څښلو کښې د کنجوسۍ نه کار اخلي * بل خوا څومره داسې خلق هم شته چې مال ورسره شته يا نشته،که الله مالداره ساتلي دي او که غريب خو هغوئي له يـې زړونه غټ ورکړي دي۔ * څومره داسې خلق وي، د هغوئي کره چې يو ځل لاړ شې نو د هغوئي د