Book Name:Mehman Nawazi Ke Aadab
د دې آدابو د بيانولو نه پس حُضُور داتا ګنج بخش علي هجويري رَحْمَةُ اللهِ عَلَيْه د ميلمستيا يو بل ډير ښکلے اَدب بيان کړے دے، دا ادب ښه پۀ توجه سره او د زړۀ پۀ غوږونو واورئ! داتا حُضُور رَحْمَةُ اللهِ عَلَيْه فرمائي: کوربه له پکار دي چې د هغۀ پۀ ښار کښې چې کوم (عاشقانِ رسول) علمائے کرام، د الله پاک نيکان بندګان اوسيږي، خپل ميلمه د هغوئي سره د ميلاوهلو د پاره هم بوځې ۔ ([1])
سُبْحٰنَ اللہ! څومره ښکلې خبره ده۔۔۔!! * دلته خو داسې کيږي چې ميلمه راشي نو يو پارک ته د بوتللو انتظام يـې کولے شي * د پکنک پۀ نوم باندې د سيل ځايونو ته تللے شي * بيا هلته بے پردګۍ عامې وي * د اخترونو پۀ موقع باندې د سيل پۀ ځايونو کښې عجبيه حالت وي * سندرې سازونه غږولے کيږي * هلکانو درز غوبل جوړ کړے وي او پته نۀ لګي چې څۀ څۀ کوي۔ داتا حُضُور رَحْمَةُ اللهِ عَلَيْه زمونږ تربيت فرمائي چې ميلمه د علمائے کرامو پۀ خِدمت کښې حاضر کړئ، د الله پاک د نيکانو بندګانو سره يـې ميلاؤ کړئ، اِنْ شَآءَ اللہُ الْکَرِیم! د نيک صحبت برکتونه به يـې هم نصيب شي او د هٰغه علمائے کرامو او د نيکانو بندګانو دعاګانې به يـې هم نصيب شي۔
دغه شان عام طور پۀ هر ښار کښې د نيکانو خلقو، د اوليائے کرامو مزارونه هم وي، کوشش اوکړئ چې ميلمه هٰغه مزارونو ته بوځئ، هلته حاضري اوکړئ او فاتحه خواني هم اوکړئ، هلته دعاګانې هم اوکړئ۔ اِنْ شَآءَ اللہُ الْکَرِیم! ډير برکتونه به مو نصيب شي۔
دا د ميلمستيا يو څو آداب ما عرض کړل! الله پاک دې مونږ ټولو ته پۀ دې باندې د عمل کولو توفيق راعطا کړي۔ اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم۔