Book Name:Mehman Nawazi Ke Aadab
آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم وفرمائيل: د شپې د ابو طلحه پۀ کور کښې عجيبه معامله وشوه او الله پاک هغوئي ته پۀ کتلو مُسکے شو۔
د الله پاک مُسکي کيدل څنګه دي؟ د دې نه هم هغه ښه خبر دے، د هغۀ مُسکي کيدل زمونږ د مسکي کيدو پۀ شان نۀ دي، هغه رَبّ دے، هغه رحمان دے، هغه بے نيازه دے، علمائے کرام فرمائي: د رَبِّ کريم د مُسکي کيدو معنیٰ دا ده چې الله پاک د داسې اِنسان نه ډير راضي کيږي۔ ([1]) يعنې مطلب دا شو چې حضرت ابو طلحه انصاري رَضِىَ اللهُ عَـنْهُ پۀ نا اشنا انداز د ميلمه ميلمستيا اوکړه نو الله پاک د هغوئي نه ډير زيات راضي شو۔
کور ته خير او برکت پۀ مَنډه راځي
د حضرت اَنس رَضِىَ اللهُ عَـنْهُ بيان دے چې د مدينے منورې تاجدار صَلَّى اللهُ عَلَيْهِ وَاٰلِهٖ وَسَلَّم اِرشاد فرمائيلے دے: پۀ کوم کور کښې چې ميلمه وي، هٰغه کور ته خير او برکت داسې پۀ منډه راځي لکه څنګه چې د اوښ د قُب(ګوف) نه چاړۀ (پۀ تيزۍ سره غورځيږي) بلکې د دې نه هم تيز۔ ([2])
تاسو به اوښ ليدلے وي، د اوښ قُب د غر پۀ شان وي، د هغې د پاسه څۀ څيز نۀ ايساريږي، که پۀ هغې باندې چرته چاړۀ کيښودے شي نو پۀ تيزۍ سره لاندې راغورځيږي، خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم د دې مثال پۀ ذريعه مونږ پوهه کړو چې که د اوښ پۀ قُب باندې چاړۀ کيښودے شي نو څومره پۀ تيزۍ سره چې هٰغه چاړۀ لاندې راغورځيږي، کوم اِنسان چې ميلمستيا کوي، خير او برکت د دې نه هم پۀ تيزۍ سره د هٰغه خوش قِسمته د کور طرف ته راځي۔