Khuda Ko Razi Karne Wale Kam

رکھے تو گناہوں سے ایسے نکل گیا جیسے آج ہی ماں کے پیٹ سے پیدا ہوا ہے۔^{(^[1])}

پیارے اسلامی بھائیو! ان حدیثوں سے اَوَّل تو شوّال کے 6 روزوں کی فضیلت معلوم ہوئی، انہیں شش عید کے روزے بھی کہتے ہیں، روایات میں ہے: *جس نے رَمَضان کے روزے رکھے پھران کے بعدشَوّال میں 6روزے رکھے۔ توایسا ہے جیسے عمر بھرکا روزہ رکھا۔^{(^[2])} *جس نے عیدُالْفِطْر کے بعد(شوال میں ) 6روزے رکھ لئے تو اُس نے پورے سال کے روزے رکھے کہ جو ایک نیکی لائے گا اُسے 10ملیں گی۔ تو ماہِ رَمضَان کا روزہ 10مہینے کے برابر ہے اور ان 6 دنوں کے بدلے میں2مہینے تو پورے سال کے روزے ہوگئے۔^{(^[3])}

شش عید کے روزے کب رکھے جائیں ؟

سُبْحٰنَ اللہ! کیا بات ہے شش عید کے روزوں کی...!! الحمد للہ! ماہِ رمضان کے روزے رکھنے کی سعادت نصیب ہوئی، اب روزے رکھنے کی ایک روٹین تو بنی ہی ہوئی ہے، ہمیں چاہئے کہ شش عیدکے روزے بھی رکھ ہی لیں، اِنْ شَآءَ اللہ الْکَرِیْم!عمر بھر کے روزے رکھنے کا ثواب نصیب ہو جائے گا۔ خَلیلِ مِلَّت مفتی محمد خلیل خان برکاتی رَحمۃُ اللہ عَلَیْہ فرماتے ہیں:یہ روزے عید کے بعد مسلسل رکھے جائیں تب بھی حَرَج نہیں اور بہتر یہ ہے کہ ہر ہفتے میں 2روزےاور عید کے دوسرے دن ایک روزہ رکھ لے اور پورے ماہ میں رکھے تو اور بھی مناسب معلوم ہوتاہے۔^{(^[4])}

[1]... مجمع الزوائد، کتاب الصیام، باب فیمن صام ...الخ،جلد:3، صفحہ:322، حدیث:5102۔

[2]... مسلِم، کتاب الصیام، باب استحباب صوم...الخ، صفحہ:424، حدیث: 1164۔

[3]... الترغیب و الترہیب، کتاب الصوم، الترغیب فی صوم ست...الخ، صفحہ:346، حدیث:2۔

[4]... سنی بہشتی زیور ،صفحہ:347۔

Important

Mobile Apps

Contact Us