او مسکينانو خير خبر اخستو والا ډير کم خلق دي۔

اے د خوږ نبي صَلَّى اللهُ عَلَيْهِ وَاٰلِهٖ وَسَلَّم عاشقانو! که مونږ د خپلې معاشرې نه غريبي ختمه  نۀ هم کړو نو کم از کم مونږ د خپلو يو څو پيسو پۀ ذريعه د غريبانو پۀ لوږه کښې څۀ کمے خو راوستے شو۔ آه! د غريبانو او مسکينانو مدد نۀ کول دا د کافرانو طريقه وه خو اوس داسې ډير کافران دي کوم چې ويلفيئر سوسائيټز [د خير ښيګړې ادارې] چلوي خو ياد ساتئ چې د کافرانو دا اعمال د دُنيا پورې دي، دوئي ته به د دوئي د داسې اعمالو بدله هم پۀ دُنيا کښې ورکولے کيږي، پۀ اخرت کښې د دوئي د پاره هيڅ حصه نشته خو د مسلمان د پاره خو اَلْحَمْدُ لِلّٰہ! پۀ دُنيا کښې هم اَجر دے او پۀ اخرت کښې هم د جَنَّت اعلیٰ نعمتونه دي، بے شکه صدقه او خيرات کوونکي کوي يې هم، د غريبانو مدد هم کوي خو دا کار صرف د يو څو کسانو نۀ دے بلکې د ټولو مسلمانانو دے، هر يو مسلمان له پکار دي چې څۀ نا څۀ صدقه او خيرات ضرور کوي، څوک چې غريبان دي هغوئي له هم پکار دي چې د صدقې او د خيرات کولو ذِهن جوړ کړي۔

اَلْحَمْدُ لِلّٰہ! زمونږ دِينِ اِسلام خو مونږ ته د قربانۍ او همدردۍ سبق راکوي۔ زمونږه خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم فرمائيلي دي: چې کوم  مسلمان د يو څيز خواهش لري، بيا خپل خواهش پريږدي او بل له ترجيح ورکړي نو هغه به بخښلے کيږي۔ ^([1])

سُبْحٰنَ اللہ! که مونږ د جَنَّت موندلو د پاره، د الله پاک نه د بخښنې د خيرات حاصلولو د پاره خپل خواهشات کم کړو، يو څو نمړۍ کمې وخورو او د خپل امدن نه يو څو پيسې بچ کړو او پۀ غريبانو او مسکينانو باندې يـې ولګوو نو اندازه ولګوئ چې الله