کتاب لکھنے کا نِرالا انداز

 پیارے اسلامی بھائیو! امام بُخاری  رحمۃُ اللہ علیہ  کو نمازوں سے بھی بہت محبّت تھی، فرائِض و وَاجبات تو آپ پڑھا ہی کرتے تھے، اس کے ساتھ ساتھ نوافِل کی بھی خُوب کَثْرت فرماتے تھے۔ امام بُخاری  رحمۃُ اللہ علیہ  کا ایک انداز بہت پیارا ہے، آپ کی عادَت تھی کہ نماز کو اپنے کام کا حِصَّہ بنا لیتے تھے۔  مثلاً امام بُخاری  رحمۃُ اللہ علیہ  کی ایک کتاب ہے: تارِیخِ کبیر۔ جو حدیثِ پاک کو روایت کرتے ہیں، اس کتاب میں امام بُخاری نے اُن کے اَحْوال وغیرہ لکھے ہیں۔ یہ کتاب امام بخاری نے رِیَاضُ الْجَنَّۃ کے پاس بیٹھ کر لکھی ہے۔^([1])

سُبْحٰنَ اللہ! یُونہی آپ کی جو سب سے مشہورکتاب ہے: بُخاری شریف۔ اس مبارَک کتاب کو لکھنے کا انداز تو انتہائی بااَدَب، عشق و محبّت سے بھرپُور تھا۔ امام بخاری  رحمۃُ اللہ علیہ   نے بُخاری شریف 16 سال میں مکمل کی،^([2]) اس میں تقریباً 7ہزار 5 سو اَحادِیثِ کریمہ ہیں۔ لکھنے کا انداز امام بُخاری نے یہ اپنایا تھا کہ ہر حدیثِ پاک لکھنے سے پہلے تازَہ غُسل کرتے، پِھر 2رکعت نفل پڑھتے، اس کے بعد حدیث شریف لکھتے تھے۔^([3])

اللہ! اللہ...!! امام بُخاری  رحمۃُ اللہ علیہ  کا عشقِ رسول دیکھیے! حدیثِ پاک ہے، دوجہانوں کے سُلطان کی زبانِ پاک سے ادا ہونے والے مقدَّس، مبارَک، مُنَوَّر الفاظ ہیں،  لہٰذا امام بُخَاری  رحمۃُ اللہ علیہ  نے انہیں لکھنے کے لیے عشق کے تقاضے پُورے کیے، ہر حدیثِ پاک لکھنے سے پہلے تازہ غسل کرتے، 2رکعت نفل پڑھ کر دِل کو غسل دیا، پاک صاف ہو