Imam Bukhari Ka Zauq e Namaz

سب طریقے بھی تلاشِ وسیلہ ہی ہیں۔^{(^[1])}

سیہ کاروں کی کیا گنتی کہ دَرگاہِ الٰہی میں وسیلہ ڈھونڈتے ہیں حضرتِ موسیٰ مُحَمَّد کا

بلا وَصلِ نبی، وَصل الٰہی غیر ممکن ہے خدا کے گھر پہنچنے کو ہے دروازہ مُحَمَّد کا^{(^[2])}

پیارے اسلامی بھائیو! ہم امام بخاری رحمۃُ اللہ علیہ کی سیرتِ پاک پڑھیں تو پتا چلتا ہے کہ آپ کو (1):قرآن سے بھی بےپناہ محبّت تھی اور (2):نماز سے بھی بہت شَغَف (شوق، لگاؤ) رکھتے تھے۔ آپ کا مَعْمُوْل تھا کہ رمضان کریم میں ایک قرآنِ پاک نمازِ تراویح میں مکمل فرماتے، پھر نمازِ تہجد میں ہر 3 دِن میں ایک قرآن مکمل کرتےاور سحری سے افطار تک ہر روز ایک قرآن پاک مکمل تلاوت کیا کرتے، یُوں اگر رمضان کریم 30 دِن کا ہوتا تو امام بخاری رحمۃُ اللہ علیہ ایک ماہ میں 41 قرآنِ پاک مکمل کرنے میں کامیاب ہو جایا کرتے تھے۔^{(^[3])}

سُبْحٰنَ اللہ! غور فرمائیے! تِلاوتِ قرآن سے کیسی محبّت ہے۔ ایک ماہ میں 41 قرآن مکمل فرماتے تھے۔ہمیں بھی شوقِ تلاوت بڑھانا چاہیے۔ نیّت کیجیے! روزانہ کچھ نہ کچھ تِلاوت لازمی کیا کریں گے اور نہ سہی کم از کم 3 آیات کی تِلاوت کیجیے! اس کے ساتھ ترجمہ اور تفسیر بھی پڑھ لیجیے! اللہ پاک ہمیں عمل کی توفیق نصیب فرمائے۔

اٰمِیْن بِجَاہِ خَاتَمِ النَّبِیّٖن صَلَّی اللہ عَلَیْہِ وَ آلِہٖ وَسَلَّم ۔

[1]...تفسیر نعیمی، پارہ:6، سورۂ مائدہ، زیرِ آیت:35،جلد:6، صفحہ:397ملتقطًا۔

[2]...قبالۂ بخشش، صفحہ:51و 53 ملتقطاً۔

[3]...ہدایۃُ السَّارِی، صفحہ: 72 مفصلاً۔

Important

Mobile Apps

Contact Us