Book Name:Jahannam Ke Azabat
صاحب نصاب هجي ته سندس مال مان ان جو وَلي (يعني سرپرست) ان جو فطرو ادا ڪري * صاحبِ نصاب مرد تي پنهنجو، پنهنجن ننڍن ٻارن جو ۽ جيڪڏهن ڪا مجنون اولاد هجي (چاهي اُها مجنون اولاد بالغ ئي ڇو نه هجي) جو فطرو ڏيڻ واجب آهي، ها جيڪڏهن اهو ٻار يا مجنون پاڻ صاحبِ نصاب آهي ته پوءِ سندس مال مان فطرو ادا ڪري * پيءُ تي پنهنجي عاقل بالغ اولاد جو فطرو واجب نه آهي * والد نه هجي ته ڏاڏو والد جي جاءِ تي آهي، يعني پنهنجن فقير ۽ يتيم پوٽَن پوٽِيُن جي طرفان انهن کي صدقهءِ فطر ڏيڻ واجب آهي * ڪو شخص ڪنهن صحيح شرعي مجبوري سبب روزا نه رکي سگهيو يا مَعَاذَ اللہ بغير ڪنهن مجبوري جي رمضان شريف جا روزا نه رکيائين ته ان تي به صاحبِ نصاب هجڻ جي صورت ۾ فطرو ڏيڻ واجب آهي * زال جيڪڏهن بغير مڙس جي حڪم جي مڙس جو فطرو ادا ڪيو ته ادا نه ٿيندو * عيد الفطر جي ڏينهن صبح صادق طلوع ٿيڻ وقت جيڪو صاحبِ نصاب هوندو ان تي ئي صدقهءِ فطر واجب آهي، جيڪڏهن صبح صادق کان پوءِ صاحبِ نصاب ٿيو ته ان تي صدقهءِ فطر واجب نه آهي * صدقهءِ فطر ادا ڪرڻ جو افضل وقت هي آهي ته عيد جي ڏينهن صبح صادق ٿيڻ کان پوءِ ۽ عيد جي نماز پڙهڻ کان پهريان ادا ڪري ڇڏجي، جيڪڏهن چنڊ رات يا رمضان شريف جي ڪنهن به ڏينهن بلڪه رمضان شريف کان اڳ به جيڪڏهن ڪنهن ادا ڪري ڇڏيو تڏهن به فطرو ادا ٿي ويندو ۽ ائين ڪرڻ بلڪل جائز آهي۔([1])