ٿا اِهو ڏسي اسان گھٻرائجي وياسين، جڏهن کين هوش آيو ته اسان عرض ڪيو: اسان توهان جي مٿي، پيٽ ۽ پيرن جي طرف کان نور جا شعاع بلند ٿيندي ڏٺا آهن۔ حضرت مُطَرَّف رَحْمَةُ الـلّٰـهِ عَـلَيْه فرمايو: ڇا واقعي توهان ائين ئي ڏٺو آهي؟ اسان عرض ڪيو: ها! جنهن جي جواب ۾ حضرت مُطَرَّف رَحْمَةُ الـلّٰـهِ عَـلَيْه فرمايو: اِها سورة حٰم السجدہ جي تلاوت جي برڪت آهي۔ هن مبارڪ سورت جون 30 آيتون آهن، ابتدائي 10 آيتون مٿي جي طرف کان، وچ واريون 10 آيتون پيٽ کان ۽ آخري 10 آيتون پيرن جي طرف کان بلند ٿينديون آهن ۽ مون کي يقين آهي ته اِها منهنجي شفاعت به ڪندي۔^([1]) 

سورت ڪهف جي برڪت

سيف الدين بَلۡبان جو بيان آهي ته مون قبرستان ۾ هڪ شخص ڏٺو، هو هڪ قبر جي ڀرسان ويهي روئي روئي تلاوت ڪري رهيو هو۔ مون کانئس روئڻ جو سبب پڇيو ته هن وراڻيو: هيءَ منهنجي دوست جي قبر آهي، هن منهنجي اکين جي سامهون تلاوت ڪندي دم ڏنو هو۔ تدفين کان پوءِ مون کيس خواب ۾ ڏٺو، هن مون کي ٻڌايو ته جڏهن توهان مون کي قبر ۾ رکي هليا ويا ته هڪ غضبناڪ ڪُتّو مون ڏانهن وَڌيو، قريب هو ته هو مون تي حملو ڪري ڏي ها، پر هڪ تمام خوبصورت ۽ پاڪيزه بزرگ اتي تشريف کڻي آيا انهن ڪتي کي اتان ڀڄائي ڇڏيو ۽ منهنجي ڀرسان ويهي رهيا۔ سندن صحبت مان مون کي تمام گهڻو سڪون مليو۔