پوري آذان ۾ صرف 15 ڪلما آهن، اُهي ڪلما چڱيءَ طرح ياد ڪري ڪنهن عاشقِ رسول قاري صاحب کي ٻڌايو! پوءِ وقت بوقت صرف الله پاڪ جي رضا جي لاءِ مسجد ۾ آذان ڏيندا رهو، الله پاڪ چاهيو ته اِنْ شَآءَ اللہُ الْکَرِیْم!  کوڙ سارو ثواب به ملندو ۽ جهنم کان نجات به ملي ويندي۔ 

آذان جي فضيلت تي 3 حديثون

(1) رسول اڪرم، نور مجسم صَلَّى اللهُ عَلَيْهِ وَاٰلِهٖ وَسَلَّم فرمايو: ثواب جي خاطر آذان ڏيڻ وارو اُن شهيد جيان آهي جيڪو رت سان ڀريل آهي ۽ جڏهن اُهو مرندو ته قبر ۾ ان جي جسم ۾ ڪيڙا نه پوندا۔^([1]) (2): هڪ حديث پاڪ ۾ آهي، فرمايائون: مان جنت ۾ ويس، اُتي موتين جا گنبذ ڏٺا۔ پڇيم: اي جبرائيل! هِي ڪنهن جي لاءِ آهن؟ عرض ڪيائين: توهان (صَلَّى اللهُ عَلَيْهِ وَاٰلِهٖ وَسَلَّم( جي امت جي مؤذنن ۽ امامن جي لاءِ آهن. ^([2]) (3): رحمتِ عالم، نور مجسم صَلَّى اللهُ عَلَيْهِ وَاٰلِهٖ وَسَلَّم فرمايو: جنهن پنجن ئي نمازن جي آذان ايمان جي بنياد تي ثواب جي نيت سان چئي ته سندس اڳيان گناهه معاف ڪيا ويندا۔ ^([3]) 

(5) باجماعت نماز جو اهتمام ڪريو

صحابيءِ رسول حضرت انس بن مالڪ رَضِىَ الـلّٰـهُ عَـنْهُ کان روايت آهي