اي عاشقانِ رسول! اهڙي طرح جيڪڏهن پنهنجن گناهن ۽ قبر ۽ آخرت جي عذابن جو تصور ڪندؤ ته  اِنْ شَآءَ اللہُ الْکَرِیْم!  خوفِ خدا سبب دل ڪَنبي ويندي ۽ اکين مان ڳوڙها به جاري ٿي ويندا۔ الله پاڪ اسان کي خوفِ خدا سبب روئڻ نصيب فرمائي۔

اٰمِیْنْ بِجَاہِ خاتَمِ النَّبِیّٖن صلَّی اللہُ عَلَیْہ ِوَاٰلِہٖ وَسَلَّمَ

(4) ثواب جي نيت سان آذان ڏيو

صحابيءِ رسول حضرت عبدالله بن عباس رَضِیَ اللهُ عَنْهُمَا کان روايت آهي ته شهنشاههِ مدينه، قرارِ قلب و سينه صَلَّى اللهُ عَلَيْهِ وَاٰلِهٖ وَسَلَّم فرمايو: جنهن ثواب جي نيت سان ست سال آذان ڏني ته ان جي لاءِ جهنم کان نجات لکي ويندي آهي۔^([1]) 

مشھور مفسر قرآن مفتي احمد يار خان نعيمي رَحْمَةُ الـلّٰـهِ عَـلَيْه هن حديث جي تحت فرمائن ٿا: جيڪو بغير پگهار جي ست سال آذان ڏئي ته الله پاڪ ان جي لاءِ جهنم کان آزادي ۽ جنت ۾ داخل ٿيڻ جو پروانو لکي ڇڏيندو آهي جيڪو قيامت جي ڏينهن کيس ڏنو ويندو۔^([2]) 

 سُبْحٰنَ اللہ! معلوم ٿيو ته الله پاڪ جي رضا لاءِ آذان ڏيڻ به جهنم کان بچائڻ وارو عمل آهي. ڪاش! اسان آذان ڏيڻ جي سعادت حاصل ڪرڻ وارا بڻجي وڃون۔ آذان ڏيڻ ڪو مشڪل ڪم نه آهي، اسان اَلحَمۡدُلله! مسلمان آهيون، ننڍپڻ کان وٺي آذان ٻڌندا پيا اچون۔