صبح ۽ شام جهنم کان پناهه گهرڻ جي فضيلت

صحابيءِ رسول حضرت مسلم بن حارث رَضِىَ الـلّٰـهُ عَـنْهُ فرمائن ٿا: الله پاڪ جي آخري نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم مون کي فرمايو: فجر جي نماز کان پوءِ ڳالهه ٻولهه ڪرڻ کان اڳ هي ڪلما ست ڀيرا پڙهندو ڪر: اَللّٰھُمَّ اَجِرْنِیْ مِنَ النَّارِ (اي الله! مون کي جهنم کان بچاءِ)۔ جيڪڏهن تون ان ڏينهن مري وئين ته الله پاڪ تنهنجي لاءِ جهنم کان امان لکي ڇڏيندو۔ اهڙي طرح مغرب جي نماز کان پوءِ ڳالهه ٻولهه ڪرڻ کان اڳ اِهي ئي ڪلما ست ڀيرا پڙهندو ڪر: اَللّٰھُمَّ اَجِرْنِیْ مِنَ النَّارِ (اي الله! مون کي جهنم کان بچاءِ)، پوءِ جيڪڏهن تون ان رات ۾ مري وئين ته الله پاڪ تنهنجي لاءِ جهنم کان امان لکي ڇڏيندو۔^([1]) 

(2): تقويٰ اختيار ڪريو

الله پاڪ قرآن ڪريم ۾ ارشاد فرمائي ٿو: 

ثُمَّ نُنَجِّی الَّذِیْنَ اتَّقَوْا (پارو: 16، سورة مريم: 72)

ترجمو ڪنزالعرفان: پوءِ اسان پرهيزگارن کي بچائي وٺنداسين

اي عاشقانِ رسول! هن آيتِ ڪريمه ۾ ٻڌايو ويو آهي ته قيامت