رڳن ۽ ماس ۾ اٽڪيل هوندا ۽ سندن رڳون جهنم جي باهه سبب خشڪ ٿي وينديون۔ اهي موت جي تمنا ڪندا پر کين موت نه ايندو.^([1]) 

جهنم کان ڇوٽڪارو ڏيارڻ وارا اعمال

اي عاشقانِ رسول! يقيناً جهنم جو عذاب برداشت ڪرڻ اسان مان ڪنهن جي به وَسَ جي ڳالهه نه آهي۔ هاڻي اسان جيئرا آهيون، اسان جا ساههَ هلي رهيا آهن، هاڻي موقعو آهي، اچو ته نيڪ ڪم ڪريون، جنت ۾ وٺي وڃڻ وارا، الله ۽ رسول جي رضا وارا ڪم ڪريون۔ 

اچو ته جهنم کان نجات ڏيارڻ وارا ڪجهه اعمال هن نيت سان ٻڌون ته انهن کي باقاعدي پنهنجي زندگيءَ جو حصو بڻائينداسين۔ اِنْ شَآءَ اللہُ الْکَرِیْم!

(1): جهنم کان ڇوٽڪاري جي دعا ڪندا رهو!

جهنم کان بچڻ ۽ نجات حاصل ڪرڻ لاءِ پهريون عمل ته  هي آهي ته جهنم کان بچڻ لاءِ الله پاڪ کان دعا ڪئي وڃي۔ حديث پاڪ ۾ آهي: الله پاڪ جي آخري نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم فرمايو: جيڪو الله پاڪ کان 3 ڀيرا جنت گهرندو آهي ته جنت چوندي آهي: يا الله! هِن کي جنت ۾ داخل ڪري ڇڏ ۽ جيڪو 3