جبل زمين جي اندر هليا وڃن

هڪ ڀيري حضرت جبرائيل اَمين عَـلَيْـهِ الـسَّـلاَم بارگاهِه رسالت ۾ حاضر ٿيا، سندن رنگ بدليل هو۔ رسولِ اڪرم، نورِ مجسم صَلَّى اللهُ عَلَيْهِ وَاٰلِهٖ وَسَلَّم پڇيو: جبرائيل! ڇا ڳالهه آهي؟ مان توهان جو رنگ بدليل ڏسي رهيو آهيان۔  حضرت جبرائيل عَـلَيْـهِ الـسَّـلاَم عرض ڪيو: يارسول الله صَلَّى اللهُ عَلَيْهِ وَاٰلِهٖ وَسَلَّم! هن وقت الله پاڪ جهنم کي ٻارڻ جو حڪم ڏنو آهي۔ رسولِ خدا احمدِ مجتبيٰ صَلَّى اللهُ عَلَيْهِ وَاٰلِهٖ وَسَلَّم فرمايو: جبرائيل! مون کي جهنم جي باري ۾ ٻڌاءِ. حضرت جبرائيل        عَـلَيْـهِ الـسَّـلاَم عرض ڪيو: يا رسول الله صَلَّى اللهُ عَلَيْهِ وَاٰلِهٖ وَسَلَّم! الله پاڪ جهنم کي حڪم ڏنو ته ان جي باهه هڪ هزار سالن تائين ٻاري وئي، ايسيتائين جو اها اَڇِي ٿي وئي۔ پوءِ ان کي وڌيڪ هڪ هزار سالن تائين ٻاريو ويو، ايسيتائين جو اها ڳاڙهي ٿي وئي۔ پوءِ ان کي اڃان وڌيڪ هڪ هزار سالن تائين  ڀڙڪايو ويو، ايسيتائين جو اها بلڪل ڪاري ٿي وئي۔ هاڻي جهنم جي باهه بلڪل ڪاري آهي، نه ان ۾ ڪا چڻنگ روشن ٿي رهي آهي، نه ئي ان جو ڀڙڪڻ ختم ٿي رهيو آهي ۽ نه ئي ان جا شعلا وِسامي رهيا آهن. ان ذات جو قسم! جنهن توهان کي سچو نبي بڻائي موڪليو آهي، جيڪڏهن سُئي جي سوراخ جيترو به جهنم کي کوليو وڃي ته سموري زمين جا ماڻهو فنا ٿي وڃن، ان ذات جو قسم! جنهن توهان کي حق سان گڏ موڪليو آهي! جيڪڏهن جهنم جي زنجيرن جو هڪ دائرو دنيا جي جبلن تي رکيو وڃي ته اهي ڀورا ڀورا ٿي زمين جي اندر هليا