عَـلَيْـهِ الـسَّـلاَم ان شخص کي ٻاهر ڪڍڻ جو چيو ته پاڻ فرمايائون: اي جبرائيل! هن وقت جهنم هڪ ساهه کنيو آهي، هن وقت پٿر کي لوهه کان ۽ لوهه کي پٿر کان جدا ڪرڻ تمام گهڻو مشڪل آهي۔ 

اَلْاَمَان وَالْحَفِیْظ...!! الله پاڪ جي پناہه! الله پاڪ جي پناہه! 

پيارا اسلامي ڀائرو! جيڪا باهه پٿر ۽ لوهه جو فرق مٽائي ڇڏي، اها ڪيڏي نه شدت واري باهه هوندي ...!! افسوس! اسان ڪمزور جسم وارا، اسان مٽيءَ جا ٺهيل ماڻهو، اسان کان ته جون جولاءِ جي گرمي به برداشت نه ٿيندي آهي، اسان جهنم جي باهه ڪيئن برداشت ڪري سگهنداسين؟ اسان جي چمڙي ڪمزور، اسان جو گوشت ڪمزور، اسان جون هڏيون ڪمزور۔ جيڪا باهه پٿرن کي پِگھاري ڇڏي، اُها اسان جي هڏين جو ڪهڙو حال ڪندي؟ الله پاڪ فرمائي ٿو:

كُلَّمَا نَضِجَتْ جُلُوْدُهُمْ بَدَّلْنٰهُمْ جُلُوْدًا غَیْرَهَا (پارو: 5، سورة نساء: 56)

ترجمو ڪنز العرفان: جڏهن به انهن جون کلون خوب سڙي وينديون ته اسان انهن جي کلن کي ٻين کلن سان بدلائي ڇڏينداسين

هن آيت جي تفسير ۾ حضرت امام حسن بصري رَحْمَةُ الـلّٰـهِ عَـلَيْه فرمائن ٿا ته اُها باهه روزانو کين 70 هزار ڀيرا ساڙيندي، جڏهن اُها انهن کي ساڙي ڇڏيندي ته چيو ويندو ته پنهنجي پهرين حالت تي واپس اچي وڃو، بس پوءِ اهي پنهنجي پهرين حالت تي واپس اچي ويندا۔ ^([1])