د اميرِ اهلِسُنَّت دَامَتْ بَرَکَاتُہُمُ الْعَالِیَه مختصر تعارف

خوږو او محترمو اِسلامي وروڼو! د صحابۀ کرامو رَضِىَ اللهُ عَـنْهُم د زمانې نه واخله د اوسه پورې د نبي پاک صَلَّى اللهُ عَلَيْهِ وَاٰلِهٖ وَسَلَّم سره د محبت مختلفې طريقې اختيار کړے شوې دي، پۀ دې کښې يوه طريقه شاعري هم ده، * د حضرت حسان بن ثابت * حضرت عبد الله بن رَواحه * کعب بن زُبَير * کعب بن مالِک رَضِىَ اللهُ عَـنْهُم نه علاوه نورو ډيرو صحابۀ کرامو رَضِىَ اللهُ عَـنْهُم دا طريقه اِختيار کړه۔ د دِين د بزرګانو يوې شميرې هم دا عمل اختيار کړو، هم پۀ دغه مبارکو هستيانو کښې يو د دې وخت د عظيم علمي او روحاني شخصيت، کامِل ولي، عاشقِ رسول، اميرِ اهلِسُنَّت مولانا محمدالياس عطّار قادري دَامَتْ بَرَکَاتُہُمُ الْعَالِیَه ذات مبارک هم دے۔

راځئ چې د هغوئي د نعتونو پۀ شاعرۍ د خبرو کولو نه مخکښې د اميرِ اهلِسُنَّت دَامَتْ بَرَکَاتُہُمُ الْعَالِیَه مختصر تعارف واورو: اميرِ اهلِسُنَّت دَامَتْ بَرَکَاتُہُمُ الْعَالِیَه پۀ 26 رَمَضَانُ المُبَارَک  کال 1369ھ بمطابق 12 جولائي کال 1950ء د شروع [يعنې چارشنبې] پۀ ورځ د پاکستان پۀ مشهور ښار کراچۍ کښې د ماښام نه لږ وخت مخکښې دُنيا ته تشريف راوړلو * اميرِ اهلِسُنَّت دَامَتْ بَرَکَاتُہُمُ الْعَالِیَه هُم د ماشومتوب نه ډير د ساده طبيعت مالِک دے، نۀ چا ته بد وائي او نۀ جګړه کوي * د دِين طرف ته مائله کيدو پۀ وجه يـې هم پۀ ځوانۍ کښې عِلم دِين حاصل کړے وو۔ هغوئي د عِلم حاصلولو پۀ ذريعو کښې کتابونه لوستل او د علمائے کرامو پۀ صحبت کښې کښيناستل اختيار کړل۔ دې لړ کښې هغوئي پرله پسې د 22 کالو پورې د مفتئ اعظم پاکستان حضرت علامه مفتي وقار الدين قادري رضوي رَحْمَةُ اللهِ عَلَيْه پۀ صحبت کښې حاضر وو * مفتي وقارُ الدِّين رَحْمَةُ اللهِ عَلَيْه او شارخِ بخاري، مفتي شريف الحق امجدي رَحْمَةُ اللهِ عَلَيْه هغوئي ته خلافت عطا کړے دے * پۀ ستمبر کال 1981ء کښې اميرِ اهلِسُنَّت دَامَتْ بَرَکَاتُہُمُ الْعَالِیَه د عاشقانِ رسول دِيني تنظيم دعوتِ اِسلامي شروع کړه، اګر چې