* زيد رَضِىَ اللهُ عَـنْهما نه د نعتيه شعرونو ليکل ثابت دي۔ خو دا پۀ ذِهن کښي ساتئ چې نعت شريف ليکل ډير ګران فن دے، دې د پاره د فن ماهر او عالِمِ دِين کيدل پکار دي، ګنې چي عالِم نۀ وي نورديف، قافيه او بَحر (يعنې د شعر وزن) وغيره برابرولو د پاره دخلافِ شان الفاظومرتب کولو انديښنه وي۔ عامو خلقو ته د شاعرۍ شوق کول مناسب نۀ دي ولې چې د نثر پۀ مقابله کښې پۀ نظم کښې د کُفرياتو د صُدُور (يعنې واقع کيدو) ډيره انديښنه وي۔

نعتِ شہ کونین کا لکھنا نہیں آساں       لغزش ہو تو ایمان کے جانے کا خطر ہے

د بيان خُلاصه

خوږو او محترمو اِسلامي وروڼو! په قرآن کريم کښې ځائے په ځائے د خوږ آقا صَلَّی اللہُ عَلَیْہِ وَ آلِہٖ وَ سَلَّم نعتونه موجود دي * انبیائے کرامو (عَلَیْهِمُ السَّلَام) هم په خپلو خپلو زمانو کښې د مَحبُوب نبي صَلَّی اللہُ عَلَیْہِ وَ آلِہٖ وَ سَلَّم توصیف او ثنا کړې ده * او د حضور صَلَّی اللہُ عَلَیْہِ وَ آلِہٖ وَ سَلَّم نعتونه وئیل *د صحابۀ کرامو رَضِىَ اللهُ عَـنْهُم * او د نيکانو خلقو طريقه ده۔ خو ياد ساتئ چې دا د هر چا د وَس خبره نۀ ده ځکه د دې شاعرۍ د فن سره سره، د کمال عِلم او ادب کيدل هم ضروري دي۔ اميرِ اهلِسُنَّت مولانا محمد الياس عطار قادري دَامَتْ بَرَکَاتُہُمُ الْعَالِیَه د دې وخت نۀ يواځې عِلمي او روحاني شخصيت دے بلکې هغوئي ډير لوئي عاشقِ رسول نعت ليکونکے شاعر هم دے۔ د هغوئي پۀ شاعرۍ کښې د عشقِ رسول نظاره * د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم د صفتونو او کمالونو ښکلا * او د مدينے منورې درد او محبت پۀ نظر راځي۔ د هغوئي د شاعرۍ پۀ لوستلو يقيناً چې عشقِ رسول زياتيږي۔ الله پاک دې زمونږه د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم عشق او محبت نصيب کړي۔  اٰمِیْنْ بِجَاہِ خاتَمِ النَّبِیّٖن صلَّی اللہُ عَلَیْہ ِوَاٰلِہٖ وَسَلَّمَ

صَلُّوا عَلَی الْحَبیب!                     صَلَّی اللّٰہُ عَلٰی مُحَمَّد