وليدلې۔ حضرت مُطَرَّف رَحْمَةُ اللهِ عَلَيْه وفرمائيل: آيا واقعي چې تاسو داسې ليدلي دي؟ عرض مو اوکړو: آؤ جي! پۀ دې باندې حضرت مُطَرَّف رَحْمَةُ اللهِ عَلَيْه وفرمائيل: دا د سورۀ حٰم السَّجده د تِلاوت برکت دے۔ د دې سورت مبارک 30 آيتونه دي، وړومبي 10 آيتونه د سر د طرف نه، مينځني 10 آيتونه، د مينځ نه او اخري 10 آيتونه د ښپو د طرف نه پورته کيږي او زما يقين دے چې دا به زما شفاعت هم کوي۔ ^([1])

د سورۀ کهف برکت

د سيفُ الدِّين بَلبَان بيان دے چې ما پۀ هديره کښې يو کَس وليدو، هغۀ د يو قبر پۀ خوا کښې ناست وو او پۀ ژړا ژړا يـې تلاوت کولو، ما د هغۀ نه د ژړا د وجهې پوښتنه اوکړه نو هغۀ ووئيل چې دا زما د دوست قبر دے، دۀ زما د سترګو د وړاندې پۀ تلاوت کولو ساه ورکړې وه، د دفن کيدو نه پس ما دے پۀ خوب کښې وليدلو، هغۀ ما ته ووئيل چې کله تاسو زۀ پۀ قبر کښې کيښودم او لاړۍ نو يو غضبناک سپے زما طرف ته راوړاندې شو، نزدې وه چې هغه پۀ ما باندې حمله کړې وے خو يو ډير ښکلي او پاک بزرګ هلته تشريف راوړلو او سپے يـې د هٰغه ځائے نه پۀ مخه کړو او زما پۀ خوا کښې کيناستو، د هغوئي پۀ صحبت باندې زما ډير سکون نصيب شو، ما د هغوئي نه پوښتنه اوکړه: تاسو څوک يـئ؟ وه يـې فرمائيل: تا به د جُمعې پۀ ورځ سورۀ کهف لوستلو زه د هغې ثواب يم۔ ^([2])

الله پاک دې مونږ ته هم د قرآنِ پاک د ښه ډير تلاوت کولو توفيق راعطا کړي۔

اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم

صَـلُّــوْا  عَـلَـی   الْـحَـبِيْـب!            صَـلَّـی اللهُ   عَلـٰی   مُـحَـمَّد