د دوزخ عذابونه

برکت به اِنْ شَآءَ اللہُ الْکَرِیم! الله پاک مونږ د دوزخ نه بچ کړي او جَنَّت ته به مو داخِل کړي۔

د حضرت عبد الله بن عمر رَضِىَ اللهُ عَـنْهما نه روايت دے، رسولِ اکرم، نورِ مُجَسَّم صَلَّى اللهُ عَلَيْهِ وَاٰلِهٖ وَسَلَّم فرمائيلي دي: څوک چې د خپل مسلمان ورور حاجت پوره کړي، زۀ به د قيامت پۀ ورځ د ميزان سره ولاړ يم، که د هغۀ د نيکۍ والا چابړے دروند وو نو ټيک، ګنې زۀ به د هغۀ شفاعت کووم۔ ^{(^[1])}

شَفاعت حشر میں فرماؤگے جب خوش نصیبوں کی

مجھے کر لینا آقا اُن میں شامل یارسولَ اللہ

(8): د قرآنِ کريم تِلاوت

خوږو او محترمو اِسلامي وروڼو! پۀ قرآن او حديث کښې نور هم ډير اعمال بيان شوي دي د کومو پۀ برکت چې د دوزخ نه نجات حاصليږي او جَنَّت ته داخليدل نصيب کيږي۔ پۀ هغې کښې يو ډير ښکلے نيک عمل د قرآنِ کريم تِلاوت هم دے۔

د صحابئ رسول حضرت ابو هريره رَضِىَ اللهُ عَـنْهُ نه روايت دے، صاحبِ قرآنِ محبوبِ رحمان صَلَّى اللهُ عَلَيْهِ وَاٰلِهٖ وَسَلَّم فرمائيلي دي: قرآنِ کريم به د قيامت پۀ ورځ تشريف راوړي او د تِلاوت کوونکي سفارش به کوي او د الله پاک پۀ دربار کښې به وائي: اے رَبِّ کريمه! دۀ ته ښکلا ورعطا کړې۔ نو تلاوت کوونکي ته به د کرامت تاج پۀ سر کړے شي۔ قرآنِ کريم به وائي: يَا رَبِّ زِدْهُ اِلٰہی! اِضافه پکښې اوکړې۔ نو تلاوت کوونکي ته به د کرامت جامې واغوستلے شي، قرآنِ کريم به وائي: يَا رَبِّ اِرضَ عَنْهُ اے رَبِّ کريمه! د دې بنده نه راضي شې۔

[1]... حلیۃ الاولیاء، مالک بن انس، جلد:6، صفحہ:389، رقم:9038۔

Important

Mobile Apps

Contact Us