د اخري نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم فرمان مبارک دے: څوک چې د شروع او د زيارت د ورځې روژه ونيسي، د هغۀ د پاره د دوزخ نه ازادي ليکلے کيږي۔ ^([1]) پۀ يو حديثِ پاک کښې دي: چا چې د رمضان او شوال روژې ونيولې، داسې چې چا د شروع او د زيارت روژه ونيوله، هغه به جَنَّت ته داخليږي۔ ^([2])

الله پاک دې مونږ ته هم د نفلي روژو د نيولو توفيق راعطا کړي۔

اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم ۔

(7): د مسلمان ورور حاجت پوره کول

د حضرت عبد الله بن عباس رَضِىَ اللهُ عَـنْهما نه روايت دے، رسولِ اکرم، نورِ مُجَسَّم صَلَّى اللهُ عَلَيْهِ وَاٰلِهٖ وَسَلَّم فرمائيلي دي: څوک چې د خپل ورور د حاجت پوره کولو د پاره روان شي او د هغۀ سره همدردي اوکړي نو الله پاک به د هغۀ او د دوزخ ترمينځه 7 خندقونه جوړ کړي، پۀ هغې کښې به د هر خندق د بل نه دومره فاصله وي، څومره چې د زمکې او د اسمان ترمينځه ده۔ ^([3])

خوږو او محترمو اِسلامي وروڼو! مونږ له هم پکار دي چې مونږ د دوزخ نه د بچ کيدو او جَنَّت ته د تللو د پاره د خپلو مسلمانانو وروڼو سره همدردي کوو، د هغوئي پۀ کار راځو، که چا ته د قرض ضرورت وي نو د خپل وَس مطابق قرض ورکوو، پۀ غريبانو باندې خرچ کوو، وږي مړوو، دغه شان د عزيزانو خپلوانو هم پۀ کار راځو، د ګاونډيانو هم پۀ کار راځو، د دوستانو هم پۀ کار راځو، غرض دا چې د کوم مسلمان هم څۀ جائز حاجت وي، مونږ د خپل وَس مطابق صرف او صرف د الله پاک د رضا د پاره د هغۀ مدد کوو، د دې پۀ