د بيان اوريدلو  نيتونه

پۀ حديثِ پاک کښې دي: اِنَّمَا الْاَعْمَالُ بِالنِّیَّات د اعمالو دار و مدار پۀ نيتونو دے۔ ^([1])

اے د خوږ نبي صَلَّى اللهُ عَلَيْهِ وَاٰلِهٖ وَسَلَّم عاشقانو! پۀ ښو ښو نيتونو د عمل ثواب زياتيږي۔ راځئ چې د بيان اوريدو نه مخكښې څۀ ښۀ ښۀ نِيَّتونه اوكړئ: مَثَلاً * د الله پاک د رضا د پاره به ټول بيان اورم * پۀ اَدب به کښينم * ښۀ پۀ توجُّه به بيان اورم * څۀ چې واورم، د هغې به د يادولو، پخپله پرې د عمل کولو او نورو ته د رَسولو کوشش کووم۔

صَـلُّــوْا  عَـلَـی   الْـحَـبِيْـب!            صَـلَّـی اللهُ   عَلـٰی   مُـحَـمَّد

د شبِ قدر فضيلتونه

خوږو او محترمو اسلامي وروڼو! نن د رَمَضَانُ المُبَارَک کال 1447ھ 27مه شپه ده، د رحمتونو، برکتونو، عزتونو او د سلامتۍ شپه ده۔ ډير علمائے کرام د قرآن او د سُنَّت د دليلونو په رڼا کښې فرمائي چې هم د رَمَضَانُ المُبَارَک پۀ 27مه شپه شبِ قدر دے۔  * علما فرمائي چې دا د اُمّت محمديه خصوصيت دے چې دوئي ته د شبِ قدر تُحفه عطا کړے شوې ده ۔^([2])

لَیْلَةُ الْقَدْرِ ﳔ خَیْرٌ مِّنْ اَلْفِ شَهْرٍؕؔ(۳) (پارہ:30، سورۀ قدر، آیت:3)

[مفهوم] ترجمهٴ کنزُ العِرفان: شبِ قدر د زرو [1000] مياشتو نه بهتره ده۔

يعنې په دې شپه کښې نيک عمل د زرو شپو د عمل نه هُم بهتر دے. نور ارشاد فرمائي:

تَنَزَّلُ الْمَلٰٓىٕكَةُ وَ الرُّوْحُ فِیْهَا

تَرْجمۂ کَنْزُالعِرْفان: په دې شپه کښې