Book Name:Jahannam Ke Azabat
به د اوسپنې ګرزونه وي کوم چې به د هغوئي تندي چوري چوري کړي او د هغوئي د خُلې نه به ويني زغوې راروانې وي، د سختې تندې پۀ وجه به د هغوئي ځيګر وچوي، د هغوئي د سترګو ګاټي به د هغوئي پۀ مخ باندې وبهيږي او د اننګو غوښه به يـې وه رژيږي، د هغوئي د اندامونو نه به ويښته بلکې څرمنه هم وغورځيږي، کله کله چې د هغوئي څرمن خرابيږي نو د بلې څرمنې سره به بدلولے کيږي۔ آه! د دوزخيانو هډوکي به د غوښې نه خالي شي د هغوئي روحونه به د هغوئي پۀ رګونو او پټو کښې انښتي وي او د هغوئي رګونه به د دوزخ پۀ وور باندې وَچ شي۔ هغوئي به مرګ غواړي خو هغوئي له به مرګ نۀ راځي۔ ([1])
اے د خوږ نبي صَلَّى اللهُ عَلَيْهِ وَاٰلِهٖ وَسَلَّم عاشقانو! يقيناً چې د دوزخ عذابونه برداشت کول پۀ مونږ کښې د چا هم د وَس کار نۀ دے۔ اوس لا مونږ ژوندي يو، زمونږ ساه ګانې چليږي، اوس موقع ده، راځئ چې نيک کارونه اوکړو، جَنَّت ته بوتلونکي، د الله او د رسول صَلَّى اللهُ عَلَيْهِ وَاٰلِهٖ وَسَلَّم د رضا والا کارونه اوکړو۔
راځئ چې د دوزخ نه نجات ورکوونکي يو څو اعمال پۀ دې نيت سره واورو چې هغه به باقاعده د خپل ژوند برخه جوړوو۔ اِنْ شَآءَ اللہُ الْکَرِیم!
(1): د دوزخ نه د خلاصي دُعا کوئ!
د دوزخ نه د بچ کيدو او د نجات حاصلولو د پاره وړومبے عمل خو دا دے چې د دوزخ نه د بچ کيدو د پاره د الله پاک نه سوال اوکړے شي۔ پۀ حديثِ پاک کښې دي، د الله اخري نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم فرمائيلي دي: څوک چې د الله پاک نه درې کرته جَنَّت