وَ كُنَّا نُكَذِّبُ بِیَوْمِ الدِّیْنِۙ(۴۶) حَتّٰۤى اَتٰىنَا الْیَقِیْنُؕ(۴۷)

ترجمو ڪنزُ العرفان: اهي چوندا: اسان نمازين مان نه هئاسين ۽ مسڪين کي کاڌو نه کارائيندا هئاسين ۽ بيهودا فڪر وارن سان گڏ بيهودا ڳالهيون سوچيندا هئاسين ۽ اسان انصاف جي ڏينهن کي ڪوڙو چوندا هئاسين ايستائين جو اسان کي موت آيو.

(سيپارو: 29، المدثر: 40 کان 47)

    پيارا اسلامي ڀائرو! اهي 4 ڏوهه (جرم) آهن، جيڪي جهنم ۾ وٺي وڃڻ وارا آهن، اسان کي گهرجي ته انهن 4 برن ڏوهن کان پاڻ کي بچايون، ماهِ رمضان جون آخري گهڙيون آهن، تنهنڪري انهن بابرڪت ڏينهن جون برڪتون لٽيندي، اڄ اسان کي اها پڪي سچي نيت ڪرڻ گهرجي ته اسان جهنم ۾ وٺي وڃڻ وارن انهن 4 ڏوهن کان سڄي زندگي بچندا رهنداسين. ڪهڙا ڪهڙا جرم آهن؟

(1): جهنمين جو پهريون ڏوهه: نماز نه پڙهڻ

   جهنَّمي پنهنجو پهريون ڏوهه ٻڌائيندي چوندا:

قَالُوْا لَمْ نَكُ مِنَ الْمُصَلِّیْنَۙ(۴۳)

ترجمو ڪنزُ العرفان: اهي چوندا: اسان نمازين مان نه هئاسين.

(سيپارو: 29، المدثر: 43)

    ان مان معلوم ٿيو نماز نه پڙهڻ اهو جهنم ۾ وٺي وڃڻ جو سبب آهي. ياد رکو! هڪ آهي نماز جي فرض هجڻ جو انڪار ڪرڻ، جيڪڏهن ڪو شخص مَعَاذَ اللہ! نماز جي فرضيت جو ئي انڪار ڪري ڇڏي، اهو ته ڪافر ٿي دائرهءِ اسلام مان ئي نڪري ويندو ۽ الله نه ڪري انهيءَ حال ۾ مري