Book Name:Ahl e Jannat Aur Ahl e Jahannum Ka Mukalima
ليلةُ الجائِزه (چنڊ رات) ۾ عبادت جي ترغيب
پيارا اسلامي ڀائرو! هاءِ...!! ماھِ رمضان اسان کان جدا ٿي رهيو آهي، ماھِ ذيشان اسان کي ڇڏي وڃي رهيو آهي، هن مبارڪ مهيني جي هر گهڙي ئي رحمت ڀري آهي، الله پاڪ جتي اسان کي ليلةُ الْقَدر جهڙي عظيم رات عطا ڪئي اتي هن مبارڪ مهيني کان فوراً بعد ليلةُ الجائِزه يعني انعام جي رات به عطا فرمائي آهي*هن رات الله پاڪ پنهنجي رحمتن جو نزول فرمائيندو آهي*هي مغفرت جي رات آهي*هي رات پنهنجي ربّ جي عبادت ڪرڻ جي رات آهي جو جيڪو ٻانهو هن رات الله پاڪ جي عبادت ڪندو آهي الله پاڪ ان تي جنت کي واجب ڪري ڇڏيندو آهي.[1] *جيڪو ٻانهو هن رات کي الله پاڪ جي عبادت ۾ گذاريندو الله پاڪ ان جي دل مرده نه فرمائيندو. حديثِ پاڪ ۾ آهي: جنهن عيدين (يعني عيد الفطر ۽ عيد الاضحٰي) جي رات طلبِ ثواب جي لاءِ قيام ڪيو، ان ڏينهن ان جي دل نه مرندي، جنهن ڏينهن (ماڻهن جون) دليون مري وينديون.[2] *تمام عاشقانِ رسول خاص طور اعتڪاف ڪرڻ وارن کي گهرجي ته هي رات مسجدن ۾ الله پاڪ جي عبادت ۾ گذارين جو حضرت ابراهيم نَخَعي رَحمۃُ اللہِ عَلَیْہ فرمائن ٿا: بزرگانِ دين رَحمۃُ اللہِ عَلَیْہم اعتڪاف ڪرڻ واري جي لاءِ هن ڳالهه کي پسند فرمائيندا هئا ته عيدالفطر جي رات مسجد ۾ ئي گذارين.[3]
صَلُّوْا عَلَی الْحَبیب! صَلَّی اللّٰہُ عَلٰی مُحَمَّد