Book Name:Ahl e Jannat Aur Ahl e Jahannum Ka Mukalima
الله جي پناهه! هي سخت جهالت ۽ بيباڪي وارو جملو آهي. حقيقت ۾ ڏسڻ جو مقام قبر ۽ آخرت ناهي، ڏسڻ جو مقام ته دنيا آهي، هتي ڏسڻو آهي ته اسان ڇا ڪري رهيا آهيون، الله پاڪ قرآنِ مجيد ۾ ارشاد فرمايو:
وَ لْتَنْظُرْ نَفْسٌ مَّا قَدَّمَتْ لِغَدٍۚ-
ترجمو ڪنزُ العرفان: ۽ هر جان ڏسي ته ان سڀاڻي جي لاءِ اڳتي ڇا موڪليو آهي.
(سيپارو: 28، الحشر: 18)
هي قرآني حڪم هن دنيا جي لاءِ آهي، هن ئي زندگي ۾ ڏسڻو آهي ته * اسان آخرت جي لاءِ ڇا ڪري رهيا آهيون* قبر جي ڪيتري تياري ٿي رهي آهي *نيڪيون ڪيتريون ڪري رهيا آهيون* گناهن کان بچي رهيا آهيون يا نه، جهڙي طرح اسان هن دنيا مان وينداسين، موت واقع ٿيندو تڏهن کان ئي ڏسڻ جو وقت ختم ۽ سزا ۽ جزا جو وقت شروع ٿي ويندو، تنهنڪري جيڪو ڏسڻو آهي، پنهنجو جائزو وٺڻو آهي، پنهنجي عملن جو محاسبو ڪرڻو آهي، هن ئي دنياوي زندگي ۾ ڪرڻو آهي.
خير! هي ڪافرن جو وصف آهي ته اهي قيامت تي يقين ناهن رکندا، اسان مسلمان آهيون، اسان بنا شڪ قيامت کي مڃندا آهيون، ان جو يقين رکندا آهيون پر افسوس! اسان جو ڪردار، زندگي گذارڻ جو رنگ ڍنگ اهڙو ٿيندو پيو وڃي جو ڄڻ اسان کي ڪڏهن مرڻو ئي نه هجي، هميشه هن ئي دنيا ۾ رهڻو هجي. حالانڪه اسان ڄاڻون ٿا ته ائين هرگز ناهي، اسان کي مرڻو آهي، قبر ۾ هزارين سالن جو قيام آهي، پوءِ قيامت جي ڏينهن اٿڻو آهي، الله پاڪ جي پاڪ بارگاهه ۾ پيش ٿيڻو آهي ۽ پنهنجي عملن جو حساب