لیلۃ ُالجائِزہ(چاند رات) میں عبادت کی ترغیب

پیارے اسلامی بھائیو! آہ...!!ماہِ رمضان ہم سے جُدا ہو رہا ہے، ماہِ ذیشان ہمیں چھوڑ کر جارہا ہے، اس ماہِ مُبارک کی ہر گھڑی ہی رحمت بھری ہے، اللہ پاک نے جہاں ہمیں لیلۃُ الْقَدر جیسی عظیم رات عطا کی وہیں اس مُبارک ماہ کے فوراً بعد لیلۃ ُالجائِزہ یعنی انعام کی رات بھی عطا فرمائی ہے۔(عید الفطر کی رات یعنی چاند رات کو لیلۃُ الجائزہ کہا جاتا ہے۔)*اس رات اللہ پاک اپنی رحمتوں کا نزول فرماتا ہے*یہ مغفرت کی رات ہے *یہ رات اپنے ربّ کی عبادت کرنے کی رات ہے کہ جو بندہ اس رات اللہ پاک کی عبادت کرتا ہے اللہ پاک اس پر جنّت کو واجِب کر دیتا ہے۔^([1])تمام عاشقانِ رسول خصوصاً اعتکاف کرنے والوں کو چاہیے کہ یہ رات مسجدوں میں اللہ پاک کی عبادت میں گزاریں کہ حضرت ابراہیم نَخَعی  رَحمۃُ اللہ عَلَیْہ  فرماتے ہیں : بزرگا نِ دین   رَحمۃُ اللہ علیہم  اعتکاف کرنے والے کے لیے اس بات کوپسند فرماتے تھے کہ عید الفطر کی رات مسجدہی میں گزاریں۔^([2])

شش عید کے روزں کی ترغیب

اے عاشقانِ رسول! رمضان کریم  کے بعد شوّال شریف کی آمدآمد ہے۔ خوش نصیب مسلمان اس مہینے میں عید الفطر کے بعد 6 روزے رکھنے کی سعادت حاصل کرتے ہیں۔آئیے ان روزوں کے فضائل سنتے ہیں تاکہ ہمارا یہ روزے رکھنے اور ان کی برکتوں سے فیضیاب ہونے کا ذہن بنے، چنانچہ*حدیثِ پاک میں ہے: جس نے رَمَضان کے روزے رکھے پھر 6دن شَوّال میں روزے رکھے تو گناہوں سے ایسے نکل گیا جیسے آج ہی ماں کے