Jahannam Ke Azabat

Al Quran Books Madani Channel

Magazine Courses Media

اے عاشقانِ رسول! یُوں اگر اپنے گُنَاہوں اور قبر و آخرت کے عذابات کا تَصَوُّر باندھیں گے تو اِنْ شَآءَ اللہ الْکَرِیْم! خوفِ خُدا سے دِل کانپ اُٹھے گا اور آنکھوں میں آنسو بھی آہی جائیں گے۔ اللہ پاک ہمیں خوفِ خُدا سے رونا نصیب فرمائے۔اٰمِیْن بِجَاہِ خَاتَمِ النَّبِیّٖن صَلَّی اللہ عَلَیْہِ وَ آلِہٖ وَ سَلَّم ۔

(4):ثواب کی نیّت سے اذان دیجیے

صحابئ رسول حضرت عبد اللہ بن عبّاس رَضِیَ اللہ عنہما سے روایت ہے، شہنشاہِ مدینہ، قرارِ قلب و سینہ صَلَّی اللہ عَلَیْہِ وَ آلِہٖ وَ سَلَّم نے فرمایا: جس نے ثواب کے لیے 7 سال تک اذان دی، اس کے لیے جہنّم سے نجات لکھ دی جاتی ہے۔^{(^[1])}

مَشْہُور مُفَسِّرِ قرآن، مفتی احمد یار خان نعیمی رَحمۃُ اللہ عَلَیْہ اس حدیثِ پاک کے تحت فرماتے ہیں: جو بغیر تنخواہ کے 7 سال اذان دے، اللہ پاک اس کے لیے جہنّم سے آزادی اور جنّت میں داخلے کا پروانہ لکھ دیتا ہے جو قیامت کے دِن اسے دیا جائے گا۔^{(^[2])}

سُبْحٰنَ اللہ! مَعْلُوم ہوا؛ اللہ پاک کی رضا کے لیے اذان دینا بھی جہنّم سے بچانے والا عَمَل ہے۔ کاش! ہم اذان دینےکی سَعَادت پانے والے بنیں، اذان دینا کوئی مشکل کام تو نہیں، ہم اَلحمدُ للہ !مسلمان ہیں، بچپن ہی سے اذان سُنتے آرہے ہیں، پُوری اذان میں صرف 15 کلمات ہیں، یہ کلمات اچھی طرح یاد کر کے کسی عاشقِ رسول قاری صاحب کو سُنا لیجیے! پھر وقتاً فوقتاً صِرْف و صِرْف اللہ پاک کی رضا کے لیے مسجد میں اذان دیتے رہیں، اللہ پاک نے چاہا تو اِنْ شَآءَ اللہ الْکَرِیْم! ڈھیروں ثواب بھی ہاتھ آئے گا اور جہنّم سے نجات بھی مل ہی جائے گی۔

[1]...ابن ماجہ، کتاب الاذان، باب فضل الاذان وثواب والمؤذنین، صفحہ:125، حدیث:727۔

[2]...مرآۃ المناجیح، جلد:1، صفحہ415۔

Important

Mobile Apps

Contact Us