نوجواں پر ہو تِرا فیضانِ صحبت زندہ باد

گوشہ گوشہ دنیا کا ہونے لگا ہے فیض یاب

عام     ہر     سُو     ہو      گیا     فیضانِ     سنّت     زندہ  باد^([1])

صَلُّوْا عَلَی الْحَبِیْب!                                               صَلَّی اللہ عَلٰی مُحَمَّد

وسائلِ بخشش کا تعارف

پیارے اسلامی بھائیو! وسائلِ بخشش امیر ِاہلسنّت  دَامَتْ بَرَکاتُہمُ العالیہ  کا نعتیہ مجموعہ ہے۔ جس میں *28 حمد و مناجات *169 نعتیں اور استغاثے *32 مناقب *8 صلوٰۃ وسلام *اور 33 متفرق کلام ہیں، جو ٹوٹل 270کلام بنتے ہیں۔یونہی وسائلِ فردوس بھی آپ کے کلاموں کا مجموعہ ہے  ، جس میں*  مناجات*  منقبتیں* نماز و رمضان کے تَعَلُّق سے کلام *  اور مختلف نعرے موجود ہیں، ، اِس مجموعہ میں کل 28 کلام موجود ہیں ۔

تمام کلام *آسان اردو زبان میں ہیں *جن میں جذباتِ محبت کی برجستگی *عجز و نیاز کا اقرار *دیوانگی بھرا اظہار اور ذوق و شوق کی ولولہ انگیزی ہے *کہیں اللہ پاک سے مغفرت کی التجائیں کی جارہی ہیں*کہیں آقا و مولا  صَلَّی اللہ عَلَیْہِ وَ آلِہٖ وَ سَلَّم کی بارگاہ میں استغاثے پیش کیے جارہے ہیں*کہیں اہل بیت و اصحاب سے اپنی محبت کا اظہار کر رہے ہیں *تو کہیں غوث پاک سے اپنی عقیدت بیان ہو رہی ہے۔گویا وسائلِ بخشش عاشقانِ رسول کے لیے صحیفۂ  عشق ومحبت ہے جس کو پڑھ کر بندہ عشق میں ڈوب جاتا ہے۔

صَلُّوْا عَلَی الْحَبِیْب!                                               صَلَّی اللہ عَلٰی مُحَمَّد