مهمان نوازي جا آدابَ

جي اخلاق ۾ هيءَ بنيادي ڳالهه شامل هجڻ ضروري آهي ته هو مهمان جي عزت ڪندو ڪري.

پيارا اسلامي ڀائرو! اسان کي مهمان نوازي جو سبق ڪهڙي حد تائين ڏنو ويو آهي، ان جو اندازو هن حديث پاڪ مان لڳايو! پياري آقا، رسولِ خدا صَلَّی اللہُ عَلَیْہِ وَ آلِہٖ وَ سَلَّم فرمايو: (انسان کي 3 بسترا بنائڻ گهرجن!) (1): هڪ پنهنجي لاءِ (2): هڪ پنهنجي گهرواريءَ لاءِ (3): ۽ ٽيون بسترو مهمان لاءِ. ^{^[1]}

ڏسو! هن روايت ۾ اسان کي هي سبق ڏنو پيو وڃي ته هڪ مسلمان کي مهمان جي اچڻ ۽ خاطرداري جي لاءِ، ان جي آرام لاءِ هر وقت تيار رهڻ گهرجي، ايستائين جو جڏهن گهر لاءِ بسترو تيار ڪرايو! ته صرف پنهنجي گهر جي ڀاتين جي تعداد مطابق بسترو نه بنايو! بلڪه مهمان لاءِ به اڳواٽ تياري ڪري وٺو! ڪجهه بسترا اضافي به بنائي وٺو ته جيئن مهمان اچي ته ان جي سٺي ميزباني ڪري سگهجي.

سٺي انسان جي هڪ نشاني

اهڙي طرح هڪ حديث پاڪ ۾ مهمان نوازي کي انسان جي ڪردار سان جوڙي بيان ڪيو ويو، رسولِ ذيشان، مڪي مدني سلطان صَلَّی اللہُ عَلَیْہِ وَ آلِہٖ وَ سَلَّم فرمايو: لَاخَیْرَ فِیْمَن لَایُضَیِّفُ يعني ان ٻانهي ۾ ڪا به ڀلائي ناهي، جيڪو مهمان نوازي نٿو ڪري. ^{^[2]}

[1]...مکارم الاخلاق للخرائطی، باب ما یستحب من اتخاذ...الخ، جلد:2، صفحہ:199، حدیث:372۔

[2]...مكارم الاخلاق للخرائطی، باب ما جاء فی اکرام الضیف...الخ، جلد:2، صفحہ:155، حدیث:329۔

Important

Mobile Apps

Contact Us