Book Name:Mehman Nawazi Ke Aadab
پيارا اسلامي ڀائرو! الحمد لله! اڄ عيد جو ڏينهن آهي، عموماً عيد جي ڏينهن ۽ ان کان پوءِ به ڪجھ ڏينهن تائين مهمانن جي اچ وڃ رهندي آهي، ڪڏهن اسان ڪنهن جا مهمان بڻجندا آهيون، ڪڏهن ڪو مهمان بڻجي اسان وٽ تشريف آڻيندو آهي، يعني هي عيد جا ڏينهن مهمانن جي اچڻ وڃڻ جا ڏينهن آهن، ان ڪري اچو! مهمان نوازي جا ڪجهه فضائل ۽ آداب ٻڌون ٿا:
مهمان نوازي ايمان جو تقاضو آهي
پيارا اسلامي ڀائرو! دينِ اسلام ۾ مهمان نوازي کي تمام گهڻي اهميت ڏني وئي آهي. ايتري قدر هن نيڪ عمل کي ايمان جي بنيادي تقاضن ۾ شامل ڪيو ويو آهي. حديث پاڪ ۾ آهي، اسان جي آقا ۽ موليٰ، مڪي مدني مصطفيٰ صَلَّی اللہُ عَلَیْہِ وَ آلِہٖ وَ سَلَّم فرمايو: مَنْ کَانَ یُؤْمِنُ بِاللہِ وَالْیَوْمِ الْآخِر فَلْیُکْرِمْ ضَیْفًا يعني جيڪو الله پاڪ تي ۽ قيامت جي ڏينهن تي ايمان رکندو آهي ، ان کي گهرجي ته مهمان جي عزت ڪندو ڪري. [1]
سُبْحٰنَ اللہ! ڏسو! ڪيڏي پياري ڳالهه آهي، رسولِ ذيشان، مڪي مدني سلطان صَلَّی اللہُ عَلَیْہِ وَ آلِہٖ وَ سَلَّم مهمان نوازي کي ايمان سان جوڙي ذڪر فرمايو، ڄڻ ته هي ٻڌائي ڇڏيو ته مهمان جي عزت ڪرڻ، مهمان جي سٺي انداز ۾ مهماني ڪرڻ ايمان جو بنيادي تقاضو آهي، جيڪو مسلمان آهي، جيڪو ٻانهو الله پاڪ تي ايمان رکي ٿو، قيامت جي ڏينهن تي ايمان رکي ٿو، ان