مهمان نوازي جا آدابَ

Al Quran Books Madani Channel

Magazine Courses Media

ان مان مهمان نوازي جو ٻيو ادب اسان کي هي سکڻ لاءِ مليو ته جڏهن ڪو مهمان اسان جي گهر تشريف کڻي اچي ته ان جي ميزباني ۾ جلدي ڪئي وڃي! ڏسو! حضرت ابراهيم عَلَیْہِ السَّلَام جي گهر فرشتا انساني شڪل ۾ مهمان بڻجي تشريف وٺي آيا پاڻ جلدي ڪئي. مهمانن کي انتظار نه ڪرايو بلڪه يڪدم گابو ذبح ڪيو ۽ ان کي پچائي مهمانن جي آڏو پيش ڪري ڇڏيو.

ان ڪري اسان کي به گهرجي ته جڏهن گهر مهمان اچي ته جلد کان جلد ان جي ميزباني ڪريون، مهمان کي پاڻي پيش ڪريون، چانهه پچايون، کاڌو بنايون، جهڙو موقعو هجي، جهڙو مهمان هجي، جهڙي موسم هجي، ان جي مطابق جلد کان جلد ميزباني ۾ لڳي وڃون.

6 ڪمن ۾ جلدي ضروري آهي

بزرگانِ دين (يعني الله پاڪ جي نيڪ ٻانهن) جو فرمان آهي: جلد بازي شيطاني عمل آهي پر 6 ڪمن ۾ جلدي ضرور ڪرڻ گهرجي: (1): جڏهن نماز جو وقت ٿي وڃي ته نماز پڙهڻ ۾ جلدي ڪرڻ ضروري آهي (نه ته شيطان سستي ڏياريندو ۽ نماز قضا ڪرائي وجهندو) (2): ميت کي دفن ڪرڻ ۾ (3): جڏهن ڇوڪري بالغ ٿي وڃي ته ان جو نڪاح ڪرڻ ۾ تڪڙ ڪئي وڃي! (4): قرض ورتو هجي ۽ ادائيگي جي طاقت هجي ته جلدي ادا ڪرڻ گهرجي (5): گناهه ٿي وڃي ته توبه ڪرڻ ۾ جلدي ڪئي وڃي (6): جڏهن مهمان تشريف آڻي ته ان کي کاڌو جلدي کارايو وڃي. ^{^[1]}

[1]... روح البیان ، پارہ:15، سورۂ بنی اسرائیل، زیرِ آیت:11، جلد:5، صفحہ:137۔

Important

Mobile Apps

Contact Us