Book Name:Mehman Nawazi Ke Aadab
توهان اٺ ڏٺو هوندو، اٺ جي ٿوهي جبل جي شڪل جي هوندي آهي، ان جي مٿان ڪا به شيءِ بيهندي ناهي، ان تي جيڪڏهن لٺ رکي وڃي ته تيزيءَ سان ترڪي هيٺ اچي ويندي آهي. پياري آقا صَلَّی اللہُ عَلَیْہِ وَ آلِہٖ وَ سَلَّم هن مثال جي ذريعي سمجهايو ته جيڪڏهن اٺ جي ٿوهي تي لٺ رکي وڃي ته جيتري تيزيءَ سان اها لٺ ترڪي هيٺ ايندي، جيڪو ٻانهو مهمان نوازي ڪندو آهي، خير ۽ برڪت ان کان به تيزيءَ سان ان خوش نصيب جي گهر ڏانهن وڌندي آهي.
سرڪارِ مدينه صَلَّی اللہُ عَلَیْہِ وَ آلِہٖ وَ سَلَّم جو فرمانِ عاليشان آهي: جڏهن ڪو مهمان ڪنهن وٽ ايندو آهي ته پنهنجو رزق کڻي ايندو آهي ۽ جڏهن ان وٽان ويندو آهي ته گهر ڌڻي جي گناهن جي بخشش جو سبب هوندو آهي. [1]
سُبْحٰنَ اللہ! ڇا شان آهي...!! ڪڏهن ماڻهو مهمان کي ڏسي گهٻرائجي ويندا آهن، اهڙن کي مطمئن رهڻ گهرجي ته مهمان جڏهن ايندو آهي ته پنهنجو رزق کڻي ايندو آهي ۽ جڏهن ويندو آهي ته گهر ڌڻي جا گناهه بخشرائي ويندو آهي.
فرشتا هڪ سال تائين دعائون ڪندا آهن
هڪ ٻي ايمان افروز روايت ٻڌو! حضرت انس رَضِیَ اللہُ عنہ پنهنجي ڀاءُ حضرت براء بن مالڪ رَضِیَ اللہُ عنہ کي فرمايو ته اي براء! ماڻهو جڏهن پنهنجي (ديني) ڀاءُ جي صرف رضاءِ الٰهي لاءِ مهمان نوازي ڪندو آهي ۽ ان جي ڪا