ترجمو ڪنزُ العرفان: ۽ اهي پنهنجي جانين تي انهن کي ترجيح ڏيندا آهن جيتوڻيڪ انهن کي پاڻ حاجت هجي ۽ جيڪو پنهنجي نفس جي لالچ کان بچايو ويو ته اهي ئي ماڻهو ڪامياب آهن. (سيپارو: 28، الحشر: 9)

سُبْحٰنَ اللہ! ڪيڏي پياري مهمان نوازي آهي. حضرت ابو طلحه انصاري رَضِیَ اللہُ عنہ پنهنجي ضرورت کي پٺيان ڪري ڇڏيو، پاڻ بکيو ئي رات گذاريائين ۽ پنهنجي ضرورت جو کاڌو به مهمان کي کارائي ڇڏيائين. پوءِ اجر ڏسو! ڪهڙو نرالو مليو آهي. پياري آقا صَلَّی اللہُ عَلَیْہِ وَ آلِہٖ وَ سَلَّم فرمايو: رات ابو طلحه جي گهر عجيب معاملو پيش آيو ۽ الله پاڪ کين ڏسي مسڪرايو.

الله پاڪ جو مرڪڻ ڪيئن آهي؟ اهو هو ئي بهتر ڄاڻي ٿو، ان جو مرڪڻ اسان جي مرڪڻ جهڙو ناهي، هو رب آهي، هو رحمان آهي، هو بي نياز آهي. علماءِ ڪرام فرمائن ٿا: ربِ ڪريم جي مسڪرائڻ جو مطلب آهي ته الله پاڪ اهڙي ٻانهي کان تمام گهڻو راضي ٿي ويندو آهي.^[1] يعني مطلب هي بڻيو ته حضرت ابو طلحه انصاري رَضِیَ اللہُ عنہ انوکي انداز ۾ مهمان جي مهمان نوازي ڪئي ته الله پاڪ کانئن تمام گهڻو راضي ٿي ويو.

گهر ۾ خير و برڪت ڊوڙي ايندي آهي

 حضرت انس رَضِىَ اللهُ عَنْهُ جو بيان آهي ته تاجدارِ مدينه صَلَّی اللہُ عَلَیْہِ وَ آلِہٖ وَ سَلَّم ارشاد فرمايو: جنهن گهر ۾ مهمان هجي ان گهر ۾ خير و برڪت اهڙي طرح ڊوڙي ايندي آهي جيئن اُٺ جي ٿوهي تان لٺ (هڪدم ڪِرندي آهي) بلڪه ان کان به تيز. ^[2]