کړو۔ نو هغه واپس لاړو او د عذاب فرښته واپس خالي لاسونه لاړله۔ بيا سُورۀ مُلک د هٰغه مړي پۀ خُله باندې خپله خُله کيښودله او وه يـې وئيل: څومره ښکلې ده دا خُله کومې چې به اکثر زما تِلاوت کولو، څومره ښکلې ده دا سينه کومې چې زۀ محفوظ کړے يم او څومره ښکلې دي دا ښپې د کومو پۀ مرسته چې به زما تِلاوت کولے شو۔ بيا هغه پۀ قبر کښې د هغۀ د زړۀ خيال ساتي د پاره د دې چې هغه ويريږي نۀ ۔ حضرت اَنَس بن مالِک رَضِىَ اللهُ عَـنْهُ فرمائي: کله چې خوږ آقا صَلَّى اللهُ عَلَيْهِ وَاٰلِهٖ وَسَلَّم دا خبره بيان کړه نو هر وړوکي لوئي، ازاد او غلام دا سُورت زده کړو او نبي کريم صَلَّى اللهُ عَلَيْهِ وَاٰلِهٖ وَسَلَّم د دې نوم مُنجِيَه (نجات ورکوونکے) کيښودو۔^([1])

د سُورۀ مُلک د لوستلو عادت جوړ کړئ!

سُبْحٰنَ اللہ! خوږو او محترمو اِسلامي وروڼو! وګورئ! څومره ښکلے روايت دے، کاش چې مونږ هم پۀ دې باندې عمل کوونکي جوړ شو۔ اَلْحَمْدُ لِلّٰہ! شيخِ طريقت، اميرِ اهلِسُنَّت مولانا الياس قادري دَامَتْ بَرَکَاتُہُمُ الْعَالِیَه چې مونږ ته د نيک اعمالو کولو د پاره کومه د 72 نيک اعمال نسخه راعطا کړې ده، پۀ هغې کښې د سورۀ مُلک د تِلاوت والا نيک عمل هم شامل دے، نو نيک عمل نمبر: 4 دے: آيا نن تاسو نن شپه   سُورۀ مُلک لوستلے يا اوريدلے؟

تاسو هم نيت اوکړئ چې هم د نن نه به اِنْ شَآءَ اللہُ الْکَرِیم! پۀ دې نيک عمل باندې پۀ پابندۍ سره عمل کوو او روزانه به د شپې د سُورۀ مُلک تِلاوت کوو يا اورو۔