Book Name:Surah e Mulk Fazail o Mazameen
او سُورۀ سجده د تِلاوت کولو نه بغير ارام نۀ فرمائيلو۔([1])
خوږو او محترمو اِسلامي وروڼو! مونږ له هم روزانه د شپې د دې دواړو سُورتونو د تِلاوت کولو عادت جوړول پکار دي۔ که دواړه نۀ وي نو کم از کم د سُورۀ مُلک د لوستلو خو پوخ نيت اوکړئ!
سورۀ مُلک د 29 سيپارې وړومبے سُورت دے، پۀ دې کښې صرف دوه رکوع او 30 آيتونه دي، سُورۀ مُلک * سُورۀ مُنجِيَه (يعنې نجات ورکوونکے سُورت) * سُورۀ مَانِعَه (يعنې عذاب اِيسارونکے سُورت) * سُورۀ شافِعَه (يعنې شفاعت کوونکے سُورت) * او سُورۀ مُجَادِلَه (يعنې د خپل لوستونکي د پاره جګړه کوونکے سُورت) وغيره د دې مختلف نومونه دي۔([2])
د حضرت ابو هريره رَضِىَ اللهُ عَـنْهُ نه روايت دے، مکي مَدَني، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم فرمائيلي دي: پۀ قرآنِ کريم کښې د 30 آيتونو يو سُورت دے کوم چې به د خپل لوستونکي شفاعت کوي د دې پورې چې هغه به وبخښلے شي۔ هٰغه سُورت تَبٰرَكَ الَّذِیْ بِیَدِهِ الْمُلْكُ دے۔([3])