وژلے شوے وو، د هغه د را ژوندي کيدو او د خپل قاتِل د نوم ښودلو واقعه ده * پۀ دويمه سيپاره کښې د 70 زره کسانو د مرګ نه پس د بيا را ژوندي کيدو واقعه ده * پۀ دريمه سيپاره کښې د حضرت عزير عَلَیْهِ السَّلَام د 100 کالو پورې د اودۀ کيدو او بيا د را ژوندي کيدو واقعه ده * پۀ 15 سيپاره کښې د اَصحابِ کَهف 300 کاله پس د بيا را ژوندي کيدو مشهوره واقعه ده۔

غرض دا د الله پاک د قدرت نخښې دي چې که هغه وغواړي نو د خپلو قدرتونو اِظهار هم داسې فرمائي۔

د اِمامِ بُخاري رَحْمَةُ اللهِ عَلَيْه نه هم ډير کلونه مخکښې تير شوے بزرګ دے: اِمام اِبنِ اَبي الدُّنيا۔ هغوئي ډير لوئي مُحَدِّث وو، د هغوئي يو کتاب دے: مَنْ عَاشَ بَعْدَ الْمَوْت (يعنې د مرګ نه پس د را ژوندي کيدونکو واقعات ) پۀ دې کښې هغوئي ډير حديثونه، روايتونه پۀ دې موضوع باندې راجمع کړي دي چې کوم کوم بزرګ د وفات کيدو نه پس بيا راژوندے شو او د خلقو سره يـې خبرې اوکړې۔ لهذا هڅې بے هيڅه د وسوسو ښکار کيدو پۀ ځائے مونږ له پکار دي چې د قدرت پۀ داسې نخښو ليدو يا اوريدو د دې نه سبق حاصل کړو۔

د سورۀ مُلک او د سُورۀ سجده تِلاوت سُنَّت دے

  خوږو او محترمو اِسلامي وروڼو! سُورۀ مُلک او سُورۀ سجده د قرآنِ کريم دا سُورتونه ډير زيات اُوګدۀ نۀ دي، روزانه د شپې د اودۀ کيدو نه مخکښې د دې دواړو سُورتونو تِلاوت کول د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم سُنَّت دي۔ صحابئ رسول حضرت جابِر رَضِىَ اللهُ عَـنْهُ فرمائي: رسولِ ذِيشان، مکي مَدَني سلطان صَلَّى اللهُ عَلَيْهِ وَاٰلِهٖ وَسَلَّم به د سُورۀ مُلک