رَحْمَةُ اللهِ عَلَيْه د خپل مخ نه کفن لرې کړو او اوئې وئيل: آيا تاسو څۀ ليدلي دي؟ مونږ ووئيل: آؤ جي! داسې داسې درې نُورونه اوچت شوي مو وليدل۔ هغوئي وفرمائيل: دا سُورۀ سجده ده کومه چې به هره شپه ما لوستله * د دې د وړومبو 14 آيتونو نُور زما د سر نه * د اخرو 14 آيتونو نُور زما د ښپو د طرف نه او * د سجدې د آيت نُور زما د وجود د مينځنۍ حصې نه اوچت شو، دا مبارک سُورت زما د شفاعت کولو د پاره د اسمانونو طرف ته تلے دے او سُورۀ مُلک دا وخت زما حفاظت کوي۔ د دومره وئيلو نه پس هغوئي بيا وفات شو۔^([1])

سُبْحٰنَ اللہ! خوږو او محترمو اِسلامي وروڼو! څومره اِيمان تازه کوونکې خبره ده، لږ سوچ خو اوکړئ چې د هٰغه وفات کيدونکي به څومره مزې وي، د کوم د رُوح د وتو سره چې د قرآني سُورتونو داسې فيضان نصيب شي۔

ګنې نو مړۀ کيدل خو ډير ګران کار دے، آه! * هٰغه د رُوح وتلو سختيانې، د تورې د زرو [1000] ګزارونو نه زيات سخت تکليف * بيا د دُنيا د پريښودو غم * د خپلوانو عزيزانو * د آل اولاد د جدايۍ غم * د دې سره سره د قبر تنهائي، ويره او د تيارې سره مخ کيدل * پۀ زرګونو قِسمه مشکلات دي، د کومو سره چې مړے د رُوح وتلو سره مخ کيږي۔

مړۀ کيدل خو هم مونږ ټولو ته دي، الله پاک دې د خير او عافيت والا وخت راولي، خپل ځان پۀ دې ځائے کيږدئ او سوچ اوکړئ!چي کله زمونږ رُوح د تن نه جُدا شي او د