Book Name:Surah e Mulk Fazail o Mazameen
پۀ حديثِ پاک کښې دي: اِنَّمَا الْاَعْمَالُ بِالنِّیَّات د اعمالو دار و مدار پۀ نيتونو دے۔ ([1])
اے د خوږ نبي صَلَّى اللهُ عَلَيْهِ وَاٰلِهٖ وَسَلَّم عاشقانو! پۀ ښو ښو نيتونو د عمل ثواب زياتيږي۔ راځئ چې د بيان اوريدو نه مخكښې څۀ ښۀ ښۀ نِيَّتونه اوكړو: مَثَلاً * د الله پاک د رضا د پاره به ټول بيان اورم * پۀ اَدب به کښينم * ښۀ پۀ توجُّه به بيان اورم * څۀ چې واورم، د هغې به د يادولو، پخپله پرې د عمل کولو او نورو ته د رَسولو کوشش کووم۔
صَلُّوا عَلَی الْحَبیب! صَلَّی اللّٰہُ عَلٰی مُحَمَّد
د سورۀ سجده او د سورۀ مُلک د لوستلو فضيلت
اِمام جلالُ الدِّين سيوطي شافعي رَحْمَةُ اللهِ عَلَيْه کوم چې د خپل وخت ډير لوئي عالِم، مُفَسِّر، مُحَدِّث او وَلِئ کامِل دے، هغوئي پۀ خپل کتاب شرحُ الصَّدور کښې يوه واقعه ليکلې ده: حضرت اَبَان اَبُو عيّاش رَحْمَةُ اللهِ عَلَيْه فرمائي: کله چې حضرت مُوَرِّق عَجلي رَحْمَةُ اللهِ عَلَيْه وفات شو نو هٰغه وخت زۀ د هغوئي خوا ته موجود ووم، کله چې هغوئي له کفن ورکړے شو نو مونږ وکتل چې * د هغوئي د سر نه يو نُور ووتلو او چت يـې وشلولو او بره لاړو * بيا هم داسې يو نُور د ښپو د طرف نه اوچت شو * بيا هم داسې نُور د وجود د مينځنۍ حصې نه ووتو او د اسمان طرف ته اوچت شو۔
لا پۀ دې اِيمان تازه کوونکي منظر ليدو باندې مونږ حيران وو چې حضرت مُورِّق