Book Name:Surah e Mulk Fazail o Mazameen
د دې چې ستاسو ازميښت اوکړي چې پۀ تاسو کښې څوک زيات ښه اعمال کوونکے دے او هُم هغه د ډير عزت والا، ډير بخښونکے دے۔
د حضرت عبد الله بن عمر رَضِىَ اللهُ عَـنْهما نه روايت دے: سرکارِ عالي وقار، مکي مَدَني تاجدار صَلَّى اللهُ عَلَيْهِ وَاٰلِهٖ وَسَلَّم د سُورۀ مُلک تِلاوت کولو کله چې دې آيت مبارک ته راورسيدو نو وه يـې فرمائيل: دا کتنه به کيږي چې څوک د الله پاک د حرام کړے شوو څيزونو نه زيات بچ کيږي او څوک د الله پاک پۀ حکمونو باندې پۀ عمل کولو کښې ډيره تادي کوونکے دے۔ ([1])
معلومه شوه چې مونږ مجبور محض نۀ يو بلکې مونږ له پۀ خپل دي موجوده ساعت باندې اِختيار راکړے شوے دے، مونږ پۀ خپل دې اوسني ساعت کښې نيکۍ کوو که ګناهونه کوو؟ نـمونځونه کوو که مَعَاذَ الله! شراب څښل اِختياروو * تِلاوت کوو که د غيبت او چغلۍ اِنتخاب کوو * رښتيا وايو که د دروغو اِنتخاب کوو * نورو ته تکليف رسوو که د ښيګړې اِنتخاب کوو؟ دا اِختيار مونږ له راکړے شوے دے او پۀ دې کښې ازميښت دے، مونږ چې د کوم قِسمه عمل اِنتخاب کوو، هم هٰغه شان نتيجه به يـې بيامونځو، که د ګناهونو لاره اِختياروو نو د سزا حقدار به جوړيږو، که د نيکۍ لاره اِختياروو نو د جزاء حقدار به جوړيږو۔