سُبْحٰنَ اللہ! دا دي ترجيحات۔۔۔!! * زمونږ د خپلو بچو سره هم محبت دے * د دوستانو ملګرو سره هم مينه ده * د ګاؤنډيانو سره هم کښينو * د ترور د ځامنو، د ماما د ځامنو، د ترۀ د ځامنو سره هم ناسته پاسته کوو، دا ډيره ښه خبره ده خو انداز دا پکار دے چې څنګه د عبادت وخت شي، پۀ دې کښې هيڅ محبت، هيڅ تعلق پۀ عبادت کښې خنډ جوړ نۀ شي۔  لهذا خپل وخت تقسيمول پکار دي۔ چا له څومره وخت ورکول دي، خپل د دُنيا تعلقات کله ساتل دي، د اخرت د ګټلو د پاره کله او څومره وخت ويستل دي، دا جدول جوړ کړئ۔ که زيات نۀ وي نو چې دومره خو مونږ اوکړو چې کوم د عبادت خصوصي وختونه دي، کم از کم هٰغه وختونه خو مونږ فارغ وساتو، مثلاً * د تهجدو وخت د عبادت دے، ځکه د پيشمني د پاره پاڅيدل دي، پۀ دغه وخت کښې هيڅ مصروفيت مۀ ساتئ، د موبائل نه هم ځان لرې ساتئ او د تهجدو، بيا د دې نه پس د څۀ نا څۀ ذِکر او درود او اِستغفار عادت جوړ کړئ * دغه شان د پينځه واړو نـمونځونو پۀ وختونو کښې چې څنګه اذان وشي، هر تعلق يو طرفته کړئ او جومات ته لاړ شئ * دغه شان د اِشراق او د څاښت د نفلونو پۀ وختونو کښې هم څۀ مصروفيت مۀ ساتئ * د ماښام د نـمونځ نه پس د اوابينو نفلونه کولے شي، پۀ دې وخت کښې هم څۀ مصروفيت مۀ ساتئ، داسې چې مونږ خپل وخت تقسيم کړو۔ د دې پۀ برکت به هم  اِنْ شَآءَ اللہُ الْکَرِیم ! مونږ د روژې د مياشتې زيات وخت پۀ نيکو کښې پۀ تيرولو کښې کامياب شو۔

صَلُّوا عَلَی الْحَبیب!                                                                   صَلَّی اللّٰہُ عَلٰی مُحَمَّد